ଜବତ ନୁହେଁ ଗଞ୍ଜେଇ ଚାଲାଣ କରୁଥିଲେ ଅବକାରୀ ଅଧିକାରୀ
1 min read
କୋରାପୁଟ: ପଟାଙ୍ଗି ଅବକାରୀ ଅଧିକାରୀଙ୍କୁ ବାନ୍ଧିଲା ପୋଲିସ । ଗଞ୍ଜେଇ ଜବତ ବଦଳରେ କରୁଥିଲେ ରାଜ୍ୟ ବାହାରକୁ ଚୋରା ଚାଲଣ । ଦୁଇ ଜଣ କନେଷ୍ଟବଳ ଏବଂ ଜଣେ ଏଏସଆଇଙ୍କୁ ମିଶାଇ ୭ ଜଣଙ୍କୁ ଗିରଫ କରିଛି ପଟାଙ୍ଗି ପୋଲିସ । ସେମାନଙ୍କ ଠାରୁ ୮ ଶହ ୩ କେଜି ଗଞ୍ଜେଇ ଜବତ ହୋଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୮୦ ଲକ୍ଷ ହେବ ।
ଏଏସଆଇ ଜଣକ ହେଉଛନ୍ତି ଅରୁପଲୋକ ଦାସ ଓ ଦୁଇ ଏକ୍ସସାଇଜ୍ କନେଷ୍ଟବଳ ହେଲେ ଗୋଲକ ବିହାରୀ ବାଘ, ରାବାଡା ଭେଙ୍କେଟେସ କୁମାର । ସେମାନଙ୍କ ଠାରୁ ଗୋଟାଏ ଟ୍ରକ ଓ ଗୋଟିଏ ବୋଲେରୋ ସହ ୮ ଟି ମୋବାଇଲ ଜବତ ହୋଇଛି । ଅବକାରୀ କର୍ମଚାରୀଙ୍କ ବିଭାଗୀୟ ପରିଚୟ ପତ୍ର ସହ ୪ଟି ATM କାର୍ଡ ଏବଂ ୧୩ ହଜାର ୩୩୫ ନଗଦ ଟଙ୍କା ମଧ୍ୟ ଜବତ କରାଯାଇଛି । କୋରାପୁଟରୁ ଗଞ୍ଜେଇ ଆନ୍ଧ୍ର ଚାଲାଣ କରୁଥିବା ବେଳେ ଜୋଡିମାଦିଲି ଠାରେ ଧରିଛି ପଟାଙ୍ଗି ପୋଲିସ ।
