ଡକାୟତ ଚକରା ଗ୍ୟାଙ୍ଗର ୭ ଗିରଫ

ଭୁବନେଶ୍ୱର: କମିଶନରେଟ ପୋଲିସ କବଜାରେ ଡକାୟତ ଗ୍ୟାଙ୍ଗ । ଏମାନେ ସମସ୍ତେ କୁଖ୍ୟାତ ଡକାୟତ ଚକରାର ସହଯୋଗୀ । କମିଶନରେଟ୍ ପୋଲିସ ୭ ଜଣଙ୍କୁ ଗିରଫ କରିଥିବା ବେଳେ ସେମାନଙ୍କ ମଧ୍ୟରେ ଜଣେ ମହିଳା ଅଛନ୍ତି । ମହିଳା ଜଣଙ୍କ ଚୋରି ସୁନା କିଣୁଥିଲେ । ସମସ୍ତ ଅଭିଯୁକ୍ତ ରାଜଧାନୀର ବିଭିନ୍ନ ବସ୍ତିର ବୋଲି ଜଣାପଡ଼ିଛି । ଏମାନଙ୍କ ନାଁରେ ୨୨ଟି ମାମଲା ରହିଛି ।

ରାଜଧାନୀରେ ବିଭିନ୍ନ ସ୍ଥାନରେ କରୁଥିଲେ ଡକାୟତି । ରାତି ଅଧିଆ ଘରେ ପଶି ହାତଗୋଡ଼ ବାନ୍ଧି କରୁଥିଲେ ଡକାୟତି । ବିରୋଧରେ ଖଣ୍ଡଗିରି, ନୟାପଲ୍ଲୀ, ଧଉଳି ଥାନାରେ ମାମଲା ରହିଛି । ଗିରଫଙ୍କ ଠାରୁ ମାରଣାସ୍ତ୍ର, ଟଙ୍କା, ମୋବାଇଲ୍ ଜବତ କରିଛି ସ୍ପେଶାଲ ସ୍କ୍ୱାଡ୍ । ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ଅଭିଯୁକ୍ତଙ୍କୁ ଧରିବା ପାଇଁ ପୋଲିସ ପକ୍ଷରୁ ମିଶନ ହଟ ପରସ୍ୟୁଟ କରାଯାଇଥିଲା ।