ଆବାସିକ ବିଦ୍ୟାଳୟରେ ଛାତ୍ରୀଙ୍କୁ ଅଶ୍ଲୀଳ ଭିଡିଓ ଦେଖାଇ ଅସଦାଚରଣ କରୁଥିବା ପ୍ରଧାନଶିକ୍ଷକଙ୍କୁ ବାନ୍ଧିଲା ପୋଲିସ

ଝାରଖଣ୍ଡ: ଆବାସିକ ବିଦ୍ୟାଳୟରେ ଚାଲିଥିଲା ପ୍ରଧାନଶିକ୍ଷକଙ୍କ କେଳେଙ୍କାରୀ । ସ୍କୁଲରେ ମଦ୍ୟପାନ କରିବା ସହ ଛାତ୍ରୀଙ୍କୁ ଦେଖାଉଥିଲେ ଅଶ୍ଲୀଳ ଭିଡିଓ । ପ୍ରଧାନ ଶିକ୍ଷକଙ୍କ ସାମିଲ ଥିଲେ ବିଦ୍ୟାଳୟର ଅନ୍ୟ ୨ଜଣ ଶିକ୍ଷକ ଏବଂ ନାଇଟଓ୍ବାଚର । ଛାତ୍ରୀଙ୍କ ଅଭିଯୋଗ ପରେ ପୁଲିସ କାର୍ଯ୍ୟାନୁଷ୍ଠାନ ନେଇଛି । ପ୍ରଧାନ ଶିକ୍ଷକ ଏବଂ ନାଇଟ୍ ଓ୍ବାଚରଙ୍କୁ ଗିରଫ କରିଥିବାବେଳେ ଅନ୍ୟ ଦୁଇ ଶିକ୍ଷକଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ନେଇଛି । ଝାରଖଣ୍ଡର ଡୁମକାରେ ଥିବା ଏକ ଆବାସିକ ବିଦ୍ୟାଳୟରୁ ଆସିଛି ଏଭଳି ଲଜ୍ଜାଜନକ ଖବର ।

ଛାତ୍ରୀମାନେ ଅଭିଯୋଗ କରିଛନ୍ତି କି, ପ୍ରଧାନଶିକ୍ଷକ ଏବଂ ନାଇଟ ଓ୍ବାଚର ସ୍କୁଲରେ ରାତିରେ ମଦ ପିଅନ୍ତି । ଏବଂ ସେମାନେ ନିଶାଶକ୍ତ ଅବସ୍ଥାରେ ଆସି ଅସଦାଚରଣ କରନ୍ତି । ମୋବାଇଲରେ ସେମାନେ ଅଶ୍ଲୀଳ ଭିଡିଓ ଦେଖିବା ପାଇଁ ବାଧ୍ୟ କରନ୍ତି । ନଦେଖିଲେ ମାଡ଼ ମାରୁଥିବା ମଧ୍ୟ ଛାତ୍ରୀମାନେ ଅଭିଯୋଗ କରିଛନ୍ତି । ଏନେଇ ଛାତ୍ରୀମାନେ ଏକ ଚିଠି ମାଧ୍ୟମରେ ଅଭିଯୋଗ ଜଣାଇଥିଲେ । ପରେ ପୁଲିସ ଘଟଣାର ତଦନ୍ତ କରିବା ସହ ଦୁଇଜଣଙ୍କୁ ଗିରଫ କରିଛି ।