ଢ଼ିଙ୍କିଆରେ ପୋଲିସ-ଗ୍ରାମବାସୀ ମୁହାଁମୁହିଁ, ଘଟଣାସ୍ଥଳରେ ପୋଲିସ ଫୋର୍ସ ମୁତୟନ

1 min read

ପାରାଦୀପ: ପାରାଦୀପ ଜେଏସଡବ୍ଲ୍ୟୁ ପ୍ରକଳ୍ପକୁ ବିରୋଧ କରି ଦୀର୍ଘ ଦିନ ହେଲା ଆନ୍ଦୋଳନ କରୁଥିବା ଢ଼ିଙ୍କିଆ ଗାଁରେ ଆଜି ପଶିଛି ପୋଲିସ । ଢିଙ୍କିଆର ତିନିଟି ଯାକ ପ୍ରବେଶ ପଥରେ ବାଉଁଶ ଗେଟ୍ ନିର୍ମାଣ କରି ଗାଁକୁ କୌଣସି ପ୍ରଶାସନିକ ଅଧିକାରୀଙ୍କୁ ପ୍ରବେଶ କରାଇ ନଦେବାକୁ ଜିଦରେ ଅଡି ବସିଥିଲେ ଗ୍ରାମବାସୀ । କିନ୍ତୁ ଆଜି ପାଖାପାଖି ୧୫ ପ୍ଲାଟୁନ ପୋଲିସ ଫୋର୍ସ ଢିଙ୍କିଆର ପହଞ୍ଚି ଗାଁକୁ ପଶିବା ଉଦ୍ୟମ ସମୟରେ ପୋଲିସ ଓ ଗ୍ରାମବାସୀଙ୍କ ମଧ୍ୟରେ ମୁହାଁମୁହିଁ ସ୍ଥିତି ଉପୁଜିଥିଲା । ପୋଲିସ ଗାଁରେ ପଶିବା ପରେ ଢିଙ୍କିଆ ଗାଁ ସମ୍ପୂର୍ଣ୍ଣ ଶୂନଶାନ୍ ହୋଇଯାଇଛି ।

ପୂର୍ବରୁ ମାହାଳ, ଗୋବିନ୍ଦପୁର ଗାଁର ପାନ ଚାଷୀ ସେମାନଙ୍କ ପାନ ବରଜ କମ୍ପାନୀକୁ ଦେବା ସହିତ କ୍ଷତିପୂରଣ ମଧ୍ୟ ନେଉଥିଲେ । ଏମିତିକି ଢିଙ୍କିଆର କିଛି ଲୋକ ମଧ୍ୟ ବରଜ ଦେଇଥିଲେ । ପୋଲିସ ଗାଁରେ ପ୍ରବେଶ ନ କରି ଲୋକଙ୍କ ସହିତ ମିଶି କାର୍ଯ୍ୟ କରୁଥିଲା । କିନ୍ତୁ ଆଜି ପୋଲିସ ଗାଁରେ ପଶିବାରୁ ପୋଲିସ ସହ ଠେଲାପେଲା ସ୍ଥିତି ସୃଷ୍ଟି ହୋଇଥିଲା ।

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.