ହେଲମେଟ୍ ଚେକିଂ ବେଳେ ମୁହାଁମୁହିଁ ପୋଲିସ ଓ ପୂର୍ବତନ ସାମରିକ କର୍ମଚାରୀ

କେନ୍ଦ୍ରାପଡ଼ା: ମାସ୍କ ଓ ହେଲମେଟ୍ ଚେକିଂ ବେଳେ ବିଚ୍‌ ରାସ୍ତାରେ ମୁହାଁମୁହିଁ ପୋଲିସ ଓ ପୂର୍ବତନ ସାମରିକ କର୍ମଚାରୀ। ଗତକାଲି ସନ୍ଧ୍ୟାରେ କେନ୍ଦ୍ରାପଡ଼ା ତିନିମୁହାଣୀ ଛକ ନିକଟରେ ଏଭଳି ପରିସ୍ଥିତି ସୃଷ୍ଟି ହୋଇଥିଲା। ମାସ୍କ ଓ ହେଲମେଟ୍ ଚେକିଂ ବେଳେ ପୂର୍ବତନ ସେନା କର୍ମଚାରୀ ମନୋରଞ୍ଜନ ରାଉତଙ୍କ ସହ ପୋଲିସର କଥା କଟାକଟି ହୋଇଥିଲା। ପରେ ବିବାଦ ବଢି ମାରପିଟ୍ ପର୍ଯ୍ୟନ୍ତ ମଧ୍ୟ ଯାଇଥିଲା। କାର୍ଯ୍ୟରେ ଥିବା ମହିଳା କନେଷ୍ଟବଳ ଓ ଏଏସଆଇଙ୍କୁ ମନୋରଞ୍ଜନ ଦୁର୍ବ୍ୟବହାର ସହିତ ମରଣାନ୍ତ ଆକ୍ରମଣ କରିଥିବା ଅଭିଯୋଗ ହୋଇଛି। ଫଳରେ ଘଟଣାସ୍ଥଳରେ ଅନ୍ୟ ଏକ ପୋଲିସ ଟିମ୍ ପୂର୍ବତନ ସେନା କର୍ମଚାରୀଙ୍କୁ ନିସ୍ତୁକ ମାଡ଼ ମାରିଥିଲେ। ପରେ ମନୋରଞ୍ଜନକୁ ଗିରଫ କରିଛି ପୋଲିସ।