ଶେଷ ପର୍ଯ୍ୟାୟରେ ପୋଲାଭରମ ପ୍ରକଳ୍ପ ; ୧୧ ମାସ ଧରି ରାଜ୍ୟ ବିଜେପି ସରକାର ଚୁପ

ଭୁବନେଶ୍ବର: ପଡୋଶୀ ପାଇଁ ବୁଡ଼ିବ ଓଡିଶା। ଶେଷ ପର୍ଯ୍ୟାୟରେ ପହଞ୍ଚିଲାଣି ପୋଲାଭରମ ପ୍ରକଳ୍ପ । ୧୧ ମାସ ଧରି ରାଜ୍ୟ ବିଜେପି ସରକାର ଚୁପ । ରାଜନୈତିକ ସ୍ବାର୍ଥ ପାଇଁ ଓଡ଼ିଶାକୁ ଧୋକ୍କା ଦେଲେ ଡବଲ ଇଂଞ୍ଜିନ ସରକାର । ପୋଲାଭରମ ପ୍ରକଳ୍ପ ନେଇ କେନ୍ଦ୍ର ଓ ରାଜ୍ୟ ସରକାରଙ୍କ ସ୍ଥାଣୁତା ନେଇ ପୁଣି ଥରେ ବର୍ଷିଛି ବିଜେଡି । ଦଳ ଅଭିଯୋଗ କରିଛି ପୋଲାଭରମ ପ୍ରକଳ୍ପ ଯୋଗୁଁ ମାଲକାନାଗିରିର ମୋଟୁ ଅଂଚଳ ସହ ଅନେକ ଅଂଚଳ ବୁଡିଯିବ। ଆନ୍ଧ୍ରପ୍ରଦେଶ ସରକାର ଗୋଟିଏ ପରେ ଗୋଟିଏ ନିର୍ମାଣ କରି ଚାଲିଛି । କଂଗ୍ରେସ କହିଛି ପୋଲାଭରମ ପ୍ରକଳ୍ପ ନେଇ ଲଢେଇ କରିବୁ । ପ୍ରକଳ୍ପ କାର୍ଯ୍ୟକ୍ଷମ ହେଲେ ମାଲକାନଗିରି ଜିଲ୍ଲା ସଂପୂର୍ଣ୍ଣ ଜଳମଗ୍ନ ହେବ । ବହୁ ସଂଖ୍ୟାରେ ଆଦିବାସୀ ବିସ୍ଥାପିତ ହେବାସହ ମୋଟୁ ଅଞ୍ଚଳର ଅଧିକାଂଶ ଜଙ୍ଗଲ ଜମି ଜଳମଗ୍ନ ହୋଇଯିବ । ଅନ୍ୟପଟେ ବରିଷ୍ଠ ବିଜେପି ବିଧାୟକ ଜୟ ନାରାୟଣ ମିଶ୍ରଙ୍କ କହିବା କଥା ଓଡ଼ିଶାର ସ୍ବାର୍ଥ ଜଗିବାକୁ ଅଛନ୍ତି ତାଙ୍କ ଦଳର ୨୦ ଜଣ ସାଂସଦ ।

ବିଶେଷଜ୍ଞଙ୍କ ମତ, ପୋଲାଭମ ପ୍ରକଳ୍ପ ଯୋଗୁଁ ମାଲକାନଗିରି ଜିଲ୍ଲାରେ ୧୦ ହଜାର ହେକ୍ଟର ଜମି ଜଳମଗ୍ନ ହେବ । ଆଉ ଏଥିରେ ପ୍ରଭାବିତ ହେବେ ୭୦ ପ୍ରତିଶତ ଆଦିବାସୀ । ମୋଟୁ ଅଞ୍ଚଳ ସହ ଅନେକ ଗାଁ ବୁଡିଯିବ। ସେପଟେ ସରକାରଙ୍କ ସ୍ଥାଣୁତାକୁ ନେଇ ଭିନ୍ନ ମତ ରଖିଛନ୍ତି ବିଜେପି ବିଧାୟକ । ଦଳର ବିଧାୟକ କହିଛନ୍ତି ଏହି ପ୍ରକଳ୍ପ ଯୋଗୁ ଆଦିବାସୀମାନେ ଯେପରି ହଇରାଣ ନହୁଅନ୍ତି, ଡବଲ ଇଞ୍ଜିନ ସରକାର ସେଥ୍ରପ୍ରତି ଦୃଷ୍ଟି ଦେବା ଦରକାର । ପୋଲାଭରମ ଯୋଗୁଁ ଓଡିଶାର ଯେପରି କିଛି କ୍ଷତି ନହେବ ସେନେଇ ବିଜେଡି ସ୍ବର ଉଠାଇ ଆସିଛି । ସ୍ବତନ୍ତ୍ର ଟିମ ଗଠନ କରି ଦଳ କ୍ଷତିଗ୍ରସ୍ତ ଅଂଚଳ ବୁଲି ଦେଖିଛି । ସମସ୍ୟାର ସମାଧାନ ପାଇଁ ଟ୍ରିପଲ ଇଂଜିନ ସରକାର ଉପରେ ଚାପ ପକାଇଆସୁଛି ତାକୁ ରାଜ୍ୟବାସୀ ଅନାଇବସିଛନ୍ତ ।