ରାୟଗଡ଼ା: କାଳ ହେଲା ଶିକାର ନିଶା। ଅସାବଧାନତା ଯୋଗୁ ନିଜ ଗୁଳିରେ ପ୍ରାଣ ହରାଇଲେ ଶିକାରୀ। ଘଟଣା ଘଟିଛି ରାୟଗଡ଼ା ଜିଲ୍ଲା ନିୟମଗିରି ପାହାଡ଼ ଉପରେ। ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଗତକାଲି ରାତିରେ କୁଲି ପଞ୍ଚାୟତର ବୁଟୁ ଜକେସିକା ଶିକାର ପାଇଁ ଯାଇଥିବା ବେଳେ ହାତରୁ ବନ୍ଧୁକ ଖସିଯାଇଥିଲା।
ଗୁଳି ତାଙ୍କ ପେଟରେ ବାଜିବାରୁ ବୁଟୁ ଗୁରୁତର ଆହତ ହୋଇଥିଲେ। ତାଙ୍କୁ କଲ୍ୟାଣସିଂହପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଖବରପାଇ ପୋଲିସ ହସ୍ପିଟାଲରେ ପହଞ୍ଚିବା ପରେ ବୁଟୁଙ୍କ ଗାଁକୁ ଯାଇ କେତେଜଣଙ୍କୁ ପଚରାଉଚରା କରିଛି। ପୋଲିସ ବନ୍ଧୁକ ଜବତ କରିଥିବା ବେଳେ ଶବ ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରାଯାଇଛି।
