କଣ ଲକଡାଉନ୍ ଅବଧି ବଢିବ ? ମୁଖ୍ୟମନ୍ତ୍ରୀଙ୍କ ସହ ଚାଲିଛି ପ୍ରଧାନମନ୍ତ୍ରୀଙ୍କ ଆଲୋଚନା

ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ୭ ହଜାରରୁ ଅଧିକ ହୋଇସାରିଲାଣି । କରୋନାର ମୁକାବିଲା କରିବା ପାଇଁ ଦେଶରେ ୨୧ ଦିନର ଲକଡାଉନ୍ ଲାଗିଛି ।  ତେବେ ଲକଡାଉନ୍ ବଢିବ କି ନାହିଁ ତାକୁ ନେଇ ପ୍ରଧାନମନ୍ତ୍ରୀ ମୋଦି ଆଜି ନିଷ୍ପତି ନେବେ । ଏନେଇ ପ୍ରଧାନମନ୍ତ୍ରୀ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରୁଛନ୍ତି । ଭିଡିଓ କନଫରେନ୍ସିଂ ଜରିଆରେ ଏହି ଆଲୋଚନା ଚାଲିଛି

କରୋନା ସଂକଟକୁ ଦେଖି ଦେଶବ୍ୟାପି ମାର୍ଚ୍ଚ ୨୪ ତାରିଖ ଦିନ ୨୧ ଦିନ ପାଇଁ ଲକଡାଉନ୍ ଘୋଷଣା ହୋଇଥିଲା । ୧୪ ତାରିଖରେ ଏହି ଲକଡାଉନ୍ ଅବଧି ସରିବାକୁ ଯାଉଛି । ତେବେ କିଛି ରାଜ୍ୟ ଲକଡାଉନ୍ ଅବଧି ବଢାଇବା ସପକ୍ଷରେ ଅଛନ୍ତି । ଏପରିକି ଓଡ଼ିଶା ଭଳି ରାଜ୍ୟ ଲକଡାଉନକୁ ଏପ୍ରିଲ ୩୦ ପର୍ଯ୍ୟନ୍ତ ବଢାଇ ସାରିଛି । ଓଡ଼ିଶା ପରେ ପଂଜାବ ଦେଶ ଦ୍ୱିତୀୟ ରାଜ୍ୟ ଭାବେ ମେ ୧ ତାରିଖ ପର୍ଯ୍ୟନ୍ତ ଲକଡାଉନକୁ ବଢାଇଛି ।

ଆଜିର ଆଲୋଚନା ପରେ ଦେଶବ୍ୟାପି ଲକଡାଉନକୁ ବଢାଯାଉଛି କି ନାହିଁ ତାହା ଜଣା ପଡିବ ।