ଗୁଜୁରାଟରେ ଦୁଇ ନୂଆ ମୋଟ୍ରୋ ପ୍ରୋଜେକ୍ଟର ‘ଭୂମି ପୂଜା’ କଲେ ପ୍ରଧାନମନ୍ତ୍ରୀ
ଗୁଜୁରାଟ: ଲଗାତାର ଦ୍ବିତୀୟ ଦିନରେ ଗୁଜରାଟକୁ କେନ୍ଦ୍ରର ନୂଆବର୍ଷ ଗିଫ୍ଟ । ଦୁଇ ନୂଆ ମେଟ୍ରୋ ପ୍ରୋଜେକ୍ଟର ‘ଭୂମି ପୂଜା’ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ପ୍ରଧାନମନ୍ତ୍ରୀ ଅହମ୍ମଦାବାଦ୍ ମେଟ୍ରୋ ପ୍ରୋଜେକ୍ଟ ଓ ସୁରଟ ମେଟ୍ରୋ ପ୍ରୋଜେକ୍ଟର ଶିଳାନ୍ୟାସ କରିଛନ୍ତି । ଭିଡିଓ କନଫରେନ୍ସ ଜରିଆରେ ପ୍ରଧାନମନ୍ତ୍ରୀ ଏହି ଦୁଇ ପ୍ରୋଜେକ୍ଟର ଭୂମି ପୂଜନ କରିଛନ୍ତି ।
କାର୍ଯ୍ୟକ୍ରମରେ ଗୃହମନ୍ତ୍ରୀ ଅମିତ୍ ଶାହାଙ୍କ ସମେତ ରାଜ୍ୟପାଳ ଆଚାର୍ଯ୍ୟ ଦେବବ୍ରତ, ମୁଖ୍ୟମନ୍ତ୍ରୀ ବିଜୟ ରୁପାନୀ ଓ କେନ୍ଦ୍ରମନ୍ତ୍ରୀ ହରଦୀପ ସିଂ ଉପସ୍ଥିତ ଥିଲେ । ଅହମ୍ମଦାବାଦ ମେଟ୍ରୋ ପ୍ରୋଜେକ୍ଟର ଦ୍ବିତୀୟ ପର୍ଯ୍ୟାୟରେ ମୋଟ ୨୮.୨୫ କିଲୋମିଟର ଲମ୍ବର ୨ଟି କରିଡର ନିର୍ମାଣ କରାଯିବ । ପ୍ରଥମ କରିଡର ମୋଟେରା ଷ୍ଟାଡିୟମଠାରୁ ମହାତ୍ମା ମନ୍ଦିର ପର୍ଯ୍ୟନ୍ତ ହେବାକୁ ଥିବା ବେଳେ, ଦ୍ବିତୀୟ କରିଡର ଜିଏନ୍ଏଲ୍ୟୁରୁ ସିଟି ଯାଏଁ ନିର୍ମାଣ କରାଯିବ ।
ଏଥିପାଇଁ ୫ ହଜାର ୩୮୪ କୋଟି ୧୭ ଲକ୍ଷ ଟଙ୍କା ଖର୍ଚ୍ଚ ହେବ । ସେହିପରି ସୁରଟରେ ଦୁଇ କରିଡର ବିଶିଷ୍ଟ ମେଟ୍ରୋ ରେଳ ପ୍ରୋଜେ୍କ୍ଟ ନିର୍ମାଣ କରାଯିବ । ଏହି ଦୁଇ ମେଟ୍ରୋ ପ୍ରୋଜେକ୍ଟ ଦେଶର ଦୁଇ ମୁଖ୍ୟ ବ୍ୟବସାୟ ପେଣ୍ଠସ୍ଥଳକୁ ସଂଯୋଗ କରିବ । ଯାହା ଦେଶର ଅର୍ଥନୀତି ଓ ଆତ୍ମନିର୍ଭରଶୀଳତାକୁ ସଶକ୍ତ କରିବ ବୋଲି ପ୍ରଧାନମନ୍ତ୍ରୀ ତାଙ୍କ ବକ୍ତବ୍ୟରେ କହିଛନ୍ତି ।
