ଅନ୍ତର୍ଜାତୀୟ କ୍ରିକେଟରୁ ଅବସର ପରେ ଧୋନିଙ୍କୁ ପ୍ରଧାନମନ୍ତ୍ରୀ ମୋଦିଙ୍କ ଚିଠି, କହିଲେ ଏମିତି କଥା..
1 min read
ନୂଆଦିଲ୍ଲୀ: କ୍ୟାପଟେନ କୁଲଙ୍କୁ ଚିଠି ଲେଖିଲେ ମୋଦି । ଭାରତକୁ ଦୁଇଦୁଇ ଥର ବିଶ୍ୱକପ ଜିତାଇଥିବା ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଛନ୍ତି । ତାଙ୍କର ଏଭଳି ହଠାତ ବିଦାୟକୁ ସହଜରେ ଗ୍ରହଣ କରିପାରୁ ନାହାନ୍ତି ତାଙ୍କର ପ୍ରଶଂସକ । ଦେଶର ବଡ଼ ବଡ଼ ନେତା ହୁଅନ୍ତୁ ବା ଅଭିନେତା କି ସାଧାରଣ ଜନତା, ତାଙ୍କର ଏଭଳି ବିଦାୟକୁ ସହଜରେ ଗ୍ରହଣ କରିପାରୁ ନାହାନ୍ତି କେହି । ତେବେ ଧୋନିଙ୍କ ଅବସର ନେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ସଫଳତାକୁ ପ୍ରଶଂସା କରି ଏକ ଚିଠି ଲେଖିଛନ୍ତି । ଚିଠି ପାଇଁ ମହେନ୍ଦ୍ର ସିଂ ଧୋନି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି ।
ଧୋନି ଟ୍ୱିଟ୍ କରି ଲେଖିଛନ୍ତି ଯେ । ‘ଜଣେ କଳାକାର, ସୈନିକ ଏବଂ କ୍ରୀଡ଼ାବିତ୍ ସବୁବେଳେ ପ୍ରଶଂସାକୁ ଚାହିଁଥାନ୍ତି । ସେମାନେ ଚାହାଁନ୍ତି ଯେ ସମସ୍ତେ ସେମାନଙ୍କର ପରିଶ୍ରମ ଏବଂ ବଳିଦାନକୁ ସମସ୍ତେ ଚିହ୍ନନ୍ତୁ ବୋଲି । ତେବେ ଏଭଳି ଶୁଭେଚ୍ଛା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇଛନ୍ତି ଧୋନି । ପ୍ରଧାନମନ୍ତ୍ରୀ ମୋଦି ଏହା ପୂର୍ବରୁ ଲେଖିଥିଲେ ଯେ ନୂତନ ଭାରତର ଆତ୍ମା ଆପଣଙ୍କଠାରେ ପ୍ରତିଫଳିତ ହେଉଛି ।
୩୯ ବର୍ଷୀୟ ଧୋନି ୨୦୦୪ ରେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିବା ଦିନଠାରୁ ୩୫୦ ଟି ODI ଖେଳିବା ସହ ୯୦ ଟେଷ୍ଟ ଖେଳିଛନ୍ତି । ଏହା ସହ ୯୮ ଟି -୨୦ ଅନ୍ତର୍ଜାତୀୟ ଖେଳିଛନ୍ତି । ଧୋନିଙ୍କ ଅଧିନାୟକତ୍ୱରେ ୨୦୦୭ ରେ ଭାରତ ପ୍ରଥମ ଟି -୨୦ ବିଶ୍ୱକପ ଜିତିଥିଲା । ଏହା ପରେ, ୨୦୧୧ ରେ ବିଶ୍ୱକପ୍ ଏବଂ ୨୦୧୩ ରେ ଚାମ୍ପିଅନ୍ସ ଟ୍ରଫି ଜିତିଥିଲେ । ଖାଲି ଏତିକିରେ ସରି ନଥିଲା ଧୋନିଙ୍କ ଜିତିବା ଯାତ୍ରା । ଅଧିନାୟକତ୍ୱରେ ଭାରତ ୨୦୧୦ ଏବଂ ୨୦୧୬ରେ ଏସିଆ କପ୍ ମଧ୍ୟ ଜିତିଥିଲା ।
