‘ପ୍ରଧାନମନ୍ତ୍ରୀ କହିଲେ, ଟିକା ଦେଲେ ଅଥଚ କିଛି ଜଣାପଡିଲାନି’

1 min read

ନୂଆଦିଲ୍ଲୀ: ଟିକା ଦେଲେ ଅଥଚ କିଛି ମଧ୍ୟ ଜଣାପଡିଲାନି । ଟିକା ଦେଇଥିବା ନର୍ସଙ୍କୁ ଏମିତି କିଛି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଦିଲ୍ଲୀ ଏମସରେ କୋଭିଡ ଭ୍ୟାକ୍ସିନର ପ୍ରଥମ ଡୋଜ ନେଇଥିଲେ ପ୍ରଧାନମନ୍ତ୍ରୀ । ଏବଂ ଦେଶବାସୀଙ୍କୁ ମଧ୍ୟ କୋଭିଡ ଟିକାକରଣରେ ସାମିଲ ହେବାକୁ ଆହ୍ବାନ ଦେଇଛନ୍ତି ।

ପ୍ରଧାନମନ୍ତ୍ରୀଙ୍କୁ ସୋମବାର ଟିକା ନେଇଥିଲେ । କେରଳ ଓ ପୁଡୁଚେରୀର ନର୍ସ ରୋସାମ୍ମା ଅନୀଲ ଏବଂ ପି. ନିବେଦିତା ପ୍ରଧାନମନ୍ତ୍ରୀଙ୍କୁ ଟିକା ଦେଥିଲେ। ମୋଦି କାନ୍ଧରେ ଆସାମ ଗାମୁଛା ପକାଇଥିବା ଭିଡିଓରେ ନଜର ଆସିଥିଲେ । ସେପଟେ ଟିକା ନେବା ପରେ ବେସ ଖୁସି ଥିବା ମଧ୍ୟ ନଜର ଆସିଥିଲେ ପ୍ରଧାନମନ୍ତ୍ରୀ ।

ଭାରତ ବାଓଟେକ ଦ୍ବାରା ପ୍ରସ୍ତୁତ ‘କୋଭାକ୍ସିନ୍‌’ ନେବା ପରେ ପ୍ରଧାନମନ୍ତ୍ରୀ ଟୁଇଟ୍‌ ମଧ୍ୟ କରିଥିଲେ । କୋଭିଡ ବିରୁଦ୍ଧରେ ଆମ ସମସ୍ତଙ୍କୁ ଲଢିବାକୁ ପଡିବ । ଡାକ୍ତର, ସ୍ବାସ୍ଥ୍ୟ କର୍ମୀ ଏବଂ ବୈଜ୍ଞାନିକଙ୍କ କାର୍ଯ୍ୟକୁ ପ୍ରଶଂସା କରିବା ସହ ଟିକାକରଣରେ ସାମିଲ ହେବାକୁ ଆହ୍ବାନ ଭରିଥିଲେ ମୋଦି ।

ସେପଟେ ଟିକା ଦେଇଥିବା ଦୁଇ ସିଷ୍ଟରଙ୍କ ସହ ମଧ୍ୟ କଥା ହୋଇଥିଲେ ପ୍ରଧାନମନ୍ତ୍ରୀ । ସ୍ବାସ୍ଥ୍ୟକର୍ମୀଙ୍କ ସହ ଫଟୋ ଉଠାଇଲେ ଏବଂ ଟିକା ଦେବାବେଳେ ତାଙ୍କୁ କିଛି ମଧ୍ୟ ଜଣାପଡିନଥିବା କହିଥିଲେ । ପ୍ରଧାନମନ୍ତ୍ରୀଙ୍କୁ ଟିକା ଦେଇଥିଲେ କେରଳ ଓ ପୁଡୁଚେରୀର ନର୍ସ ରୋସାମ୍ମା ଅନୀଲ ଏବଂ ପି. ନିବେଦିତା।

Opn Commnet Area

Leave a Reply

Your email address will not be published. Required fields are marked *

Close Bitnami banner