ନା ଥକିବା, ନା ହାରିବା… କରୋନା ବିରୋଧରେ ଲମ୍ବା ଲଢ଼େଇ ଜିତିବାକୁ ହେବ: ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଭାରତୀୟ ଜନତା ପାର୍ଟିର ସ୍ଥାପନା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦଳୀୟ କର୍ମୀଙ୍କୁ ସମ୍ବୋଧନ କରି କରୋନା ବିରୋଧରେ ଲମ୍ବା ଲଢେଇ ପାଇଁ ପ୍ରସ୍ତୁତ ହେବାକୁ କହିଛନ୍ତି । ସେ କହିଛନ୍ତି ଯେ, ନା ଆମେ ଥକିବା ନା ହାରିବା କରୋନା ବିରୋଧରେ ଲମ୍ବା ଲଢେଇକୁ ଆମକୁ କୌଣସି ମତେ ମଧ୍ୟ ଜିତିବାକୁ ପଡିବ ।

ଭାରତ ସରକାର ନେଇଛନ୍ତି ଅନେକ ନିର୍ଣ୍ଣୟ

କରୋନାର ମୁକାବିଲା ପାଇଁ ତାଙ୍କ ସରକାର ଅନେକ ନିଷ୍ପତ୍ତି ନେଇଥିବା ସେ କହିଛନ୍ତି । କରୋନାର ପ୍ରଭାବ ସମସ୍ତଙ୍କ ଉପରେ ପଡିଥାଏ । ଏହା ସମ୍ବନ୍ଧରେ କାହାରିକୁ କିଛି ମଧ୍ୟ ଜଣା ନଥିଲା । କିନ୍ତୁ ସରକାର ବିମାନ ବନ୍ଦର ବନ୍ଦ କରିବା ସହ ମେଡିକାଲ ସୁବିଧା ପ୍ରଦାନ କରିବା ଭଳି ନିଷ୍ପତି ନେଇଛନ୍ତି ।

ଦୁନିଆରେ ଭାରତର କରୋନା ବିରୋଧି ନିର୍ଣ୍ଣୟକୁ ନେଇ ଚର୍ଚ୍ଚା

ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ କରୋନା ସମ୍ବନ୍ଧିତ ଭାରତର ପଦକ୍ଷେପକୁ ପ୍ରଶଂସା କରିଛି । ଏହା ସହ ବିଶ୍ୱର ଅନେକ ମଂଚରେ ଭାରତ କରୋନାକୁ ନେଇ ମହତ୍ୱପୂର୍ଣ୍ଣ ଭୂମିକା ନିର୍ବାହ କରିଛି  ବୋଲି ପ୍ରଧାନମନ୍ତ୍ରୀ କହିଛନ୍ତି ।