ଆସାମରେ ମୋଦୀଙ୍କ ପ୍ରଚାର: କହିଲେ ‘କଂଗ୍ରେସର ନା ନୀତି ରହିଛି, ନା କୌଣସି ନେତା ଅଛନ୍ତି’

ଆସାମ: ଚାରି ରାଜ୍ୟ ଓ ଗୋଟିଏ କେନ୍ଦ୍ର ଶାସିତ ଅଞ୍ଚଳରେ ଆସନ୍ତା ୨୭ ତାରିଖରୁ ଆରମ୍ଭ ହେବ ନିର୍ବାଚନ । ଏ ନେଇ ଜୋର ଧରିଛି ନିର୍ବାଚନ ପ୍ରଚାର । ଆଜି ଆସାମର କରୀମଗଞ୍ଜରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରି କଂଗ୍ରେସ ଉପରେ ଜୋରଦାର ବର୍ଷିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

କଂଗ୍ରେସର ନା ନୀତି ରହିଛି, ନା କୌଣସି ନେତା ଅଛନ୍ତି । କଂଗ୍ରେସ ଶାସନ ସମୟରେ ଆସାମର ବିନାଶ ହୋଇଛି । ସାମାଜିକ, ସାଂସ୍କୃତିକ, ଭୌଗଳିକ ଓ ରାଜନୈତିକ ଦୃଷ୍ଟି କୋଣରୁ ଢେର ପଛରେ ପଡିଥିଲା ଆସାମ । ହେଲେ ୨୦୧୬ରୁ ବିଜେପି ସରକାର ଆସିବା ପରେ ଏଠାରେ ବିକାଶର ଧାରା ଜାରି ରହିଛି ।

ସବୁ ବର୍ଗରୁ ଲୋକଙ୍କୁ ଏକଜୁଟ କରି ବିଜେପି ଆସାମକୁ ଆଗେଇ ନେବାରେ କାମ କରୁଛି । ଆସାମରେ ସଡକ, ସେତୁ ନିର୍ମାଣ ହୋଇଛି । ବିଜୁଳି, ପାଣି ଓ ରାସନ୍ ମାଗଣାରେ ମିଳୁଛି । ଆସାମବାସୀଙ୍କୁ ଏକ ସ୍ଥାୟୀ ଶାସନ ଦେବାରେ ବିଜେପି ସଫଳ ହୋଇଛି । ଏଥର ମଧ୍ୟ ବିଜେପି ସରକାର ଗଢିବ ବୋଲି ଦମ୍ଭ ଦେଖାଇଥିଲେ ମୋଦି । ଆସାମରେ ତିନୋଟି ପର୍ଯ୍ୟାୟରେ ହେବ ବିଧାନସଭା ନିର୍ବାଚନ ।

Leave a Reply