ପ୍ରଧାନମନ୍ତ୍ରୀଙ୍କ ୟୁଟ୍ୟୁବ୍ ଚ୍ୟାନେଲର ସବସ୍କ୍ରାଇବର ସଂଖ୍ୟା ହେଲା ୧ କୋଟିରୁ ଅଧିକ, ଜାଣନ୍ତୁ ଚ୍ୟାନେଲରୁ କେତେ ହେଉଛି ଆୟ ?
ନୂଆଦିଲ୍ଲୀ: ସୋସିଆଲ୍ ମିଡିଆରେ ବେଶ୍ ସକ୍ରିୟ ରୁହନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଲାଇଭ୍ ଆସନ୍ତି, ମନ କଥା ବି କୁହନ୍ତି । ଯାହାକୁ ଦେଖନ୍ତି ହଜାର ହଜାର ଦର୍ଶକ । ଆଉ ଏବେ ପ୍ରଧାନମନ୍ତ୍ରୀ ମୋଦିଙ୍କ ଲୋକପ୍ରିୟତା ସୋସିଆଲ୍ ମିଡିଆରେ ବଢ଼ିବାରେ ଲାଗିଛି । ଯଦି ଆପଣ ଏହାକୁ ନେଇ ଦ୍ୱନ୍ଦ୍ୱରେ ଅଛନ୍ତି ତ ପିଏମ୍ ମୋଦିଙ୍କ ୟୁଟ୍ୟୁବ୍ ଆକାଉଣ୍ଟ ଦେଖିପାରନ୍ତି । ମୋଦିଙ୍କ ୟୁଟ୍ୟୁବ୍ ସବସ୍କ୍ରାଇବର ସଂଖ୍ୟା ୧ କୋଟି ଟପିଛି ।
ଏତେ ସଂଖ୍ୟାରେ ରାଜନେତାଙ୍କ ଫଲୋଅର୍ସ ବଢ଼ିବା ନୂଆ କଥା ନୁହେଁ । କିନ୍ତୁ ମୋଦିଙ୍କ ୟୁଟ୍ୟୁବ୍ ଆକାଉଣ୍ଟରେ ଏତେ ସଂଖ୍ୟକ ଫଲୋର୍ସ ଦେଖି ଯେ କେହିବି ଆଶ୍ଚର୍ଯ୍ୟ ହୋଇଯିବ । ୟୁଟ୍ୟୁବ୍ ଚ୍ୟାନେଲରେ ପିଏମ୍ ମୋଦି ତାଙ୍କ ଯାତ୍ରା ସମ୍ପର୍କିତ ଏବଂ ଜନସମ୍ବୋଧନ ଭିଡିଓ ଅପଲୋଡ୍ କରିଥାନ୍ତି ।
ୟୁଟ୍ୟୁବରୁ ଆୟ କେତେ ?
ୟୁଟ୍ୟୁବରେ ଏକ କୋଟିରୁ ଅଧିକ ଫଲୋର୍ସ ଥିଲେ ସାଧାରଣତଃ ୧୦ ଲକ୍ଷରୁ ୨୦ ଲକ୍ଷ ଟଙ୍କା ଆୟ କରିଥାନ୍ତି । ପିଏମ୍ ମୋଦିଙ୍କ ୟୁଟ୍ୟୁବ୍ ସବସ୍କ୍ରାଇବର ଦେଖିଲେ ଆୟ ସେତିକି ଥିବା ଅନୁମାନ କରାଯାଉଛି । ତେବେ, ପ୍ରକୃତରେ ଏହି ଚ୍ୟାନେଲରୁ କେତେ ଟଙ୍କା ଆୟ ହେଉଛି ତାହା ଜଣାନାହିଁ ।
