ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅଦାଲତରେ ସ୍ଥାନୀୟ ଭାଷାକୁ ବ୍ୟବହାର କରିବା ପାଇଁ ଗୁରୁତ୍ୱ ଦେଇ ଶନିବାର କହିଲେଯେ, ଏହାଦ୍ୱାରା ନ୍ୟାୟ ପ୍ରଣାଳୀରେ ସାଧାରଣ ଲୋକଙ୍କ ଆତ୍ମବିଶ୍ୱାସ ବଢ଼ିବ ଏବଂ ସେମାନେ ଏହା ସହିତ ଯୋଡ଼ି ହୋଇ ରହିଥିବା ଏବଂ ଠିକ୍ ଭାବରେ ବୁଝି ପାରୁଥିବା ଭଳି ମନେ ହେବ । ପ୍ରଧାନମନ୍ତ୍ରୀ ଏହା ମଧ୍ୟ କହିଛନ୍ତିଯେ, ଆଜି ଆମ ଦେଶରେ ଏକ ବଡ଼ ଅଂଶବିଶେଷ ସାମ୍ନାରେ ନ୍ୟାୟିକା ପ୍ରକ୍ରିୟାକୁ ବୁଝିବାରେ ଭାଷା ପ୍ରାଚୀର ହୋଇ ଛିଡ଼ା ହୋଇଛି ।
ମୁଖ୍ୟମନ୍ତ୍ରୀମାନଙ୍କୁ ଏବଂ ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତିଙ୍କ ଏକ ସମ୍ମିଳନୀରେ ମୋଦି ସମ୍ବୋଦ୍ଧିତ କରି କହିଛନ୍ତିଯେ, ଆମକୁ ଅଦାଲତରେ ସ୍ଥାନୀୟ ଭାଷାକୁ ପ୍ରୋତ୍ସାହିତ କରିବାକୁ ପଡ଼ିବ । ଏହାଦ୍ୱାରା ନା କେବଳ ସାଧାରଣ ଲୋକଙ୍କ ଆତ୍ମବିଶ୍ୱାସ ବଢ଼ିବ ବରଂ ସେମାନେ ଏହା ସହିତ ଯୋଡ଼ି ହୋଇ ରହିଥିବାଭଳି ମନେ କରିବେ । ତେବେ ଇଂରାଜୀ ଯୋଗୁଁ ଲୋକ ଏହାକୁ ବୁଝିପାରୁନାହାଁନ୍ତି ।
ସମ୍ମିଳନୀରେ ସରକାରଙ୍କୁ ପ୍ରଶଂସା କରି ପ୍ରଧାନମନ୍ତ୍ରୀ ମୋଦି ସୂଚନା ଦେଇଛନ୍ତି ଯେ, କେନ୍ଦ୍ର ସରକାର ୧୪୫୦ଟି ଅପ୍ରାସଙ୍ଗିକ ଆଇନ ଉଚ୍ଛେଦ କରିଥିବା ବେଳେ ରାଜ୍ୟ ସରକାରମାନେ ସେଥିରୁ ୭୫ଟି ଆଇନ ଉଚ୍ଛେଦ କରିଛନ୍ତି। ୨୦୧୫ରେ ଆମେ ଏଭଳି ୧୮୦୦ ଅପ୍ରାସଙ୍ଗିକ ଆଇନ ଚିହ୍ନଟ କରିଥିଲୁ। ସେଥିରୁ ୧୪୫୦ ଆଇନକୁ କେନ୍ଦ୍ର ସରକାର ଉଚ୍ଛେଦ କରିଛନ୍ତି। କିନ୍ତୁ, ରାଜ୍ୟ ସରକାରମାନେ ମାତ୍ର ୭୫ଟି ସେଭଳି ଆଇନ ଉଚ୍ଛେଦ କରିଛନ୍ତି।
ପ୍ରଧାନମନ୍ତ୍ରୀ କହିଲେ, ଭାରତ ସ୍ୱାଧୀନତାର ୭୫ତମ ବାର୍ଷିକୀ ପାଳନ କରୁଥିବା ବେଳେ ସମସ୍ତଙ୍କୁ ତୁରନ୍ତ ବିଚାର ମିଳିପାରିବା ଭଳି ନ୍ୟାୟିକ ବ୍ୟବସ୍ଥା ସୃଷ୍ଟି କରାଯିବା ଉପରେ ଗୁରୁତ୍ୱ ଦିଆଯିବା ଉଚିତ।
ତେବେ ଦୀର୍ଘ ୬ ବର୍ଷ ପରେ ମୁଖ୍ୟମନ୍ତ୍ରୀ ଏବଂ ବିଚାରପତିମାନଙ୍କ ସହିତ ଏହା ଥିଲା ୧୧ ତମ ସମ୍ମିଳନୀ ।
