ନୂଆଦିଲ୍ଲୀ: ବିଶ୍ୱ ଅର୍ଥନୈତିକ ମଞ୍ଚ ବୈଠକରେ ଆଜି ଅଭିଭାଷଣ ଦେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆସନ୍ତାକାଲି ପର୍ଯ୍ୟନ୍ତ ଏହି ବୈଠକ ବସିବ। ପ୍ରତ୍ୟେକ ବର୍ଷ ସୁଇଜରଲ୍ୟାଣ୍ଡର ଡାଭୋସରେ ଏହି ବୈଠକ ବସୁଥିବା ବେଳେ ପ୍ରଥମ ଥର ପାଇଁ ଏଥର ବୈଠକ ଭିଡିଓ କନଫରେନ୍ସିଂରେ ଅନୁଷ୍ଠିତ ହେଉଛି ।
ଆମେରିକା ରାଷ୍ଟ୍ରପତି ଜୋ ବିଡେନ ଓ ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନସନ ବୈଠକକୁ ବୟକଟ୍ କରିଛନ୍ତି । ବୈଠକରେ ବିଶ୍ବର ଆର୍ଥିକ ଅବସ୍ଥା ନେଇ ଆଲୋଚନା ଚାଲିଛି । ଏଥିସହ କୋଭିଡ ସ୍ଥିତିରେ କିପରି ଆର୍ଥିକ ସ୍ଥିତିର ସୁଧାର କରିହେବ ସେନେଇ ବିଭିନ୍ନ ଦେଶର ନେତା ମତ ରଖୁଛନ୍ତି । ବିଶ୍ୱ ଅର୍ଥନୀତି ମଞ୍ଚର ବୈଠକ ପ୍ରତ୍ୟେକ ବର୍ଷ ଏହି ସମୟରେ ଡାଭୋସରେ ଆୟୋଜିତ ହୋଇଥାଏ ।
ଏଥିପାଇଁ ସେଠାରେ କଡା ସୁରକ୍ଷା ବ୍ୟବସ୍ଥା କରାଯାଇଥାଏ। ହଜାର ହଜାର ସଂଖ୍ୟାରେ ଲୋକ ସେମାନଙ୍କ ଦାବି ନେଇ ପ୍ରତିବାଦ କରିଥାନ୍ତି।
