ଦୁର୍ନୀତିଖୋରଙ୍କ ବିରୋଧରେ କେନ୍ଦ୍ର ସରକାର କ’ଣ ଖୋଲୁଛନ୍ତି ନୂଆ ମୋର୍ଚ୍ଚା ?

ନୂଆଦିଲ୍ଲୀ: ୭୬ତମ ସ୍ୱାଧୀନତା ଦିବସ ଅବସରରେ ଲାଲକିଲ୍ଲା ଦୁର୍ଗରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୮୩ମିନିଟର ସମ୍ବୋଧନ ଦେଶବାସୀଙ୍କ ଉଦ୍ଦେଶ୍ୟରେ ଦେଇଥିଲେ । ଏହି ଅବସରରେ ସ୍ୱାଧୀନତା ସଂଗ୍ରାମୀଙ୍କୁ ପ୍ରଣାମ କରି ଦେଶର ବିକାଶର ଗାଥା କହିଥିଲେ । କୃଷିଠୁ ଆରମ୍ଭ କରି ବିଜ୍ଞାନ ସବୁ କ୍ଷେତ୍ରରେ ଭାରତର ପ୍ରଦର୍ଶନ ଉଲ୍ଲେଖନୀୟ । ଏଥିସହ ସେ ୨୫ ବର୍ଷରେ ବିକାଶ ଯାତ୍ରାକୁ ସର୍ବୋଚ୍ଚ ସ୍ଥାନରେ ପହଞ୍ଚାଇବା ପାଇଁ ଲକ୍ଷ୍ୟ ରଖିଥିଲେ ।

ଏହି ଅସବରରେ ସେ ଦୁର୍ନିତି ଏବଂ ପରିବାର ବାଦ ବିରୋଧରେ ନିର୍ଣ୍ଣାୟକ ଲଢ଼େଇ ଲଢ଼ିବା ପାଇଁ ଆହ୍ୱାନ ଦେଇଥିଲେ । କହିଥିଲେ, ଦୁର୍ନିତି ବିରଧରେ ଯେପର୍ଯ୍ୟନ୍ତ ସୁଦ୍ଧା ଘୃଣା ଭାବନା ସୃଷ୍ଟି ନହୋଇଛି ବା ସାମାଜିକ ରୂପରେ ତାକୁ ନିଚ୍ଚ ଦେଖାଇବା ପାଇଁ ବାଧ୍ୟ କରାନଯାଇଛି ସେପର୍ଯ୍ୟନ୍ତ ଏହି ମାନସିକତା ସମାପ୍ତ ହେବ ନାହିଁ । ସେ ଏହାକୁ ସାମ୍ବିଧାନକି ଏବଂ ଲୋକତାନ୍ତ୍ରିକ ଦାୟିତ୍ୱ ବୋଲି କହିବା ସହ ଏହି ଯୁଦ୍ଧରେ ଦେଶବାସୀଙ୍କ ସମର୍ଥନ ମାଗିଛନ୍ତି । ପ୍ରଧାନମନ୍ତ୍ରୀ କହିଛନ୍ତି, ଏବେ କା ଦିନରେ ବିକୃତ ମାନସିକତାର ଯଦି ସମୟ ପୂର୍ବରୁ ସମାଧାନ ନକରାଗଲା ତେବେ ଏହା ଭୟଙ୍କର ରୂପ ନେଇପାରେ ।

ପ୍ରଧାନମନ୍ତ୍ରୀ ଆଗକୁ କହିଥିଲେ, ଭାରତ ଭଳି ଗଣତନ୍ତ୍ରରେ ଗୋଟିଏ ପଟେ ଲୋକମାନେ ଗରିବୀ ସହ ଜୁଝୁଛନ୍ତି, ସେମାନଙ୍କ ପାଖରେ ରହିବା ପାଇଁ ଘର ନାହିଁ ସେହିପରି ଅନ୍ୟପକ୍ଷରେ କିଛି ଦୁର୍ନୀତିଖୋର ଲୋକଙ୍କ ପାଖରେ ଚୋରି କରିଥିବା ପଇସା ରଖିବା ପାଇଁ ସ୍ଥାନ ନାହିଁ । ଏପରି ସ୍ଥିତି ଭଲ ନୁହେଁ । ଏଥିପାଇଁ ଆମକୁ ଦୁର୍ନିତି ବିରୋଧରେ ଲଢ଼ିବାକୁ ହେବ । ଦୁର୍ନୀତି ଉପରେ ଅଙ୍କୁଶ ଲଗାଇବା ପାଇଁ ଆମ ସରକାରଙ୍କ ପକ୍ଷରୁ ପ୍ରୟାସ ଜାରି ରହିଛି । ଗତ ୮ ବର୍ଷରେ ଡାଇରେକ୍ଟ ଟ୍ରାନ୍ସଫର ସ୍କିମର ଉପଯୋଗ କରି ୨୦ ଲକ୍ଷ କୋଟି ଟଙ୍କା ଭୁଲ ହାତକୁ ଯିବାରୁ ରକ୍ଷା କରିଛୁ ।

ଏହାକୁ ଦେଶର ଉନ୍ନତି କାର୍ଯ୍ୟରେ ଲଗାଇବାରେ ସରକାର ସଫଳ ହୋଇଛନ୍ତି । ଯେଉଁମାନେ ଗତ ସରକାରରରେ ବ୍ୟାଙ୍କ ଲୁଟି ଦେଶ ଛାଡିଦେଇଛନ୍ତି, ସେମାନଙ୍କ ସମ୍ପତ୍ତି ଜବତ କରି ସରକାରୀ ଅର୍ଥ ଫେରାଇଆଣିବାକୁ ଉଦ୍ୟମ ଜାରି ରହିଛି । ଅନେକ ଦୁର୍ନୀତିଖୋର ଲୋକଙ୍କୁ ଜେଲ ଯିବା ପାଇଁ  ବାଧ୍ୟ କରି ରଖାଯାଇଛି । ଯେଉଁମାନେ ଦେଶକୁ ଲୁଟିଛନ୍ତି, ସେମାନଙ୍କୁ ଫେରିବାକୁ ପଡିବ । ସେମାନଙ୍କ ପ୍ରତ୍ୟାବର୍ତ୍ତନ ପାଇଁ ଆମେ ସ୍ଥିତି ସୃଷ୍ଟି କରିବୁ । ଏବେ ଦୁର୍ନୀତିଖୋର ରକ୍ଷା ପାଇପାରିବେ ନାହିଁ । ଦୁର୍ନୀତି ବିରୋଧରେ ହିନ୍ଦୁସ୍ତାନ ନିର୍ଣ୍ଣାୟକ ଲଢ଼େଇ ଆଡ଼କୁ ପାଦ ବଢାଇଛି ।