ସୋସିଆଲ ମିଡିଆ ଆଉ ବ୍ୟବହାର କରିବେନି ପ୍ରଧାନମନ୍ତ୍ରୀ ମୋଦି !
ସୋସିଆଲ ମିଡିଆ ଛାଡ଼ିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ପ୍ରଧାନମନ୍ତ୍ରୀ ଟ୍ୱିଟ୍ କରିଛନ୍ତି । ଆସନ୍ତା ରବିବାର ଫେସବୁକ୍, ଟ୍ୱିଟର, ଇନ୍ଷ୍ଟାଗ୍ରାମ୍ ଓ ୟୁଟ୍ୟୁବ ଭଳି ସୋସିଆଲ୍ ମିଡିଆରୁ ବିଶ୍ରାମ ନେବାକୁ ଚିନ୍ତା କରୁଥିବା ମୋଦି ଟ୍ୱିଟ୍ କରି ଜଣାଇଛନ୍ତି ।
ତେବେ କାହିଁକି ସୋସିଆଲ୍ ମିଡିଆ ବ୍ୟବହାର କରିବେ ନାହିଁ ସେ ନେଇ କୈାଣସି କାରଣ କହିନାହାନ୍ତି ମୋଦି । ଟ୍ୱିଟ୍କୁ ଅନେକ ଲୋକ ଲାଇକ୍ କରିଛନ୍ତି । ଫେସବୁକ୍ରେ ମୋଦିଙ୍କର ୪ କୋଟି ୪୫ ଲକ୍ଷ ଫଲୋଅର, ଟ୍ୱିଟରରେ ୫ କୋଟି ୩୩ ଲକ୍ଷ ଓ ଇନ୍ଷ୍ଟାଗ୍ରାମରେ ୩କୋଟି ୫୨ ଲକ୍ଷ ଫଲୋଅର ଅଛନ୍ତି । ସେପଟେ ମୋଦିଙ୍କ ଏଭଳି ଟ୍ୱିଟ୍କୁ ନେଇ ବିଭିନ୍ନ ଦଳର ନେତା ପ୍ରତିକ୍ରିୟା ରଖିଛନ୍ତି ।
ମୋଦି ଘୃଣା ଛାଡ଼ନ୍ତୁ, ସୋସିଆଲ ମିଡିଆ ଆକାଉଣ୍ଟ ନୁହେଁ ବୋଲି କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି । ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ମଧ୍ୟ ପ୍ରତିକ୍ରିୟା ରଖିଛନ୍ତି ।
