ଭାରତ ଉପରେ ମା’ କାଳୀଙ୍କ ଆଶୀର୍ବାଦ ସବୁବେଳେ ରହିଛି: ପ୍ରଧାନମନ୍ତ୍ରୀ

ନୂଆଦିଲ୍ଲୀ: ମା’ କାଳୀଙ୍କୁ ନେଇ ଚାଲିଥିବା ବିବାଦ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବୟାନ ସାମ୍ନାକୁ ଆସିଛି । ସେ କହିଛନ୍ତି ମା କାଳୀ ସମଗ୍ର ଭାରତର ଭକ୍ତି ଆଉ ଶକ୍ତିର କେନ୍ଦ୍ର ଅଟନ୍ତି । ତାଙ୍କ ଆଶୀର୍ବାଦ ଦେଶ ଉପରେ ସଦା ସର୍ବଦା ରହିଥାଉ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସ୍ୱାମୀ ଆତ୍ମସ୍ଥାନାନନ୍ଦଙ୍କ ଜନ୍ମଜୟନ୍ତି କାର୍ଯ୍ୟକ୍ରମକୁ ଭିଡିଓ କନଫରେନ୍ସିଂ ଜରିଆରେ ସମ୍ବୋଧିତ କରିବା ସମୟରେ ଏହି କଥା କହିଛନ୍ତି । ସେ ବେଲୁର ମଠର ମଧ୍ୟ ଉଲ୍ଲେଖ କରିଥିଲେ ।

ସେ କହିଥିଲେ, ଯେତବେଳେ ବି ବେଲୁର ମଠ ଯାଏ ଗଙ୍ଗା ତଟରେ ଅବସ୍ଥାପିତ ମା କାଳୀଙ୍କ ମନ୍ଦିର ସେଠାରୁ ଦେଖାଯାଇଥାଏ । ସେଠାରେ ଆଧ୍ୟାତ୍ମିକ ଜ୍ଞାନର ଆଭାସ ମିଳେ । ଯେତବେଳେ ଆସ୍ଥା ଏତେ ପବିତ୍ର ରହୁଛି ତେବେ ଶକ୍ତି ସାକ୍ଷାତ ଆମର ପଥ ପ୍ରଦର୍ଶନ କରିଥାଏ । ମା କାଳୀଙ୍କ ଅସୀମ ଶକ୍ତି ସବୁବେଳେ ଭାରତ ସହ ରହିଛି  । ଭାରତ ଆଜି ଏହି ଆଧ୍ୟାତ୍ମିକ ଶକ୍ତିକୁ ନେଇ ଆଜି ବିଶ୍ୱ କଲ୍ୟାଳ ଉଦ୍ଦେଶ୍ୟରେ ଆଗକୁ ବଢୁଛି ।

ସୂଚନାଥାଉକି ଗତ କିଛି ଦିନ ହେବ ଦେଶରେ ମା କାଳୀଙ୍କ ପୋଷ୍ଟରକୁ ନେଇ  ବିବାଦ ଚାଲିଛି । ଏକ ଡକ୍ୟୁମେଣ୍ଟାରୀ ଫିଲ୍ମର ପୋଷ୍ଟରରେ ମା କାଳୀ ସିଗାରେଟ୍ ଟାଣୁଥିବାର ଦେଖାଯିବା ପରେ ସାରା ଦେଶରେ ବିରୋଧ ଆରମ୍ଭ ହୋଇଥିଲା । ଫିଲ୍ମର ଡାଇରେକ୍ଟର ଏତେ ବିବାଦ ପରେ ବି କ୍ଷମା ମାଗିନାହାନ୍ତି  । ଅନ୍ୟପକ୍ଷରେ ଏହାକୁ ନେଇ ରାଜନୀତି ମଧ୍ୟ ଦେଖା ଦେଇତଥିଲା  । ବିବାଦକୁ ନେଇ ଟିଏମସି ସାଂସଦ ମୋହୁଆ ମୋଇତ୍ରୋ ମା କାଳୀଙ୍କ ଉପରେ ଆପତ୍ତିଜନକ ବୟାନ ଦେଇ ବିଜେପିର ଟାର୍ଗେଟକୁ ଆସିଥିଲେ ।  ସାମାଜିକ ଗଣମାଧ୍ୟମରେ ଉଭୟ ବିଜେପି ଓ ଟିଏମସି ମଧ୍ୟରେ ଆରୋପ ପ୍ରତ୍ୟାରୋପ ଜାରି ରହିଛି  ।