‘ଆଜାଦିର ଅମୃତ ମହୋତ୍ସବ’କୁ ଶୁଭାରମ୍ଭ କଲେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଆଜିଠାରୁ ଶୁଭାରମ୍ଭ ହେଉଛି ଅମୃତ ମହୋତ୍ସବ। ଏହି ଉପଲକ୍ଷେ ଅହମ୍ମଦାବାଦ ସ୍ଥିତ ସାବରମତୀ ଆଶ୍ରମରୁ ଦାଣ୍ଡି ମାର୍ଚ୍ଚ ଆରମ୍ଭ ହୋଇଛି । ପ୍ରଧାନମନ୍ତ୍ରୀ ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ଦାଣ୍ଡି ଯାତ୍ରାକୁ ପତାକା ଦେଖାଇ ଶୁଭାରମ୍ଭ କରିଛନ୍ତି । ଆଜିଠାରୁ ଲଗାତାର ୭୫ ସପ୍ତାହ ଧରି ସାରେଦେଶର ବିଭିନ୍ନ କାର୍ଯ୍ୟକ୍ରମ ଆୟୋଜିତ ହେବ।

୨୦୨୨ ଅଗଷ୍ଟ ୧୫ରେ ଦେଶ ସ୍ୱାଧୀନ ହେବାକୁ ୭୫ ବର୍ଷ ପୁରା ହେବାକୁ ଯାଉଛି । ଏହାକୁ ଆହୁରି ସ୍ମରଣୀୟ କରିବା ପାଇଁ ଦେଶବ୍ୟାପୀ ସ୍ୱାଧୀନତାର ଅମୃତ ମହୋତ୍ସବ ଆୟୋଜନ କରାଯାଇଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅମୃତ ମହୋତ୍ସବର ଓ୍ୱେବସାଇଟ ଉନ୍ମୋଚିତ କରିଛନ୍ତି ।

Addressing the programme to mark the start of Azadi Ka #AmritMahotsav related activities. https://t.co/Gzci5i488U

— Narendra Modi (@narendramodi) March 12, 2021

ଏହି ଅବସରରେ ଜାତିର ପିତା ମହାତ୍ମା ଗାନ୍ଧିଙ୍କ ସହ ସମସ୍ତ ପୂର୍ବପୁରୁଷଙ୍କୁ ମନେ ପକାଇଥିଲେ। ଭାରତର ଇତିହାସ ଏତେ ଲମ୍ବା ଯେ, ଏହାକ କେହି ଭୁଲି ପାରିବେ ନାହିଁ ବୋଲି କହିଥିଲେ ମୋଦି।