କରୋନା ଓ ମହାଭାରତ ଯୁଦ୍ଧ ମଧ୍ୟରେ କଣ ପାଇଁ ତୁଳନା କଲେ ପ୍ରଧାନମନ୍ତ୍ରୀ ?
ଭୁବନେଶ୍ୱର: ମହାଭାରତ ଯୁଦ୍ଧ ଓ କରୋନା ବିରୋଧରେ ଯୁଦ୍ଧ ମଧ୍ୟରେ ତୁଳନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିଜ ସଂସଦୀୟ କ୍ଷେତ୍ର ବାରଣାସୀର ଭୋଟରଙ୍କୁ ଭିଡିଓ କନଫରେନ୍ସିଂ ଜରିଆରେ ସମ୍ବୋଧନ କରି ସେ କହିଛନ୍ତି ଯେ, ମହାଭାରତ ଯୁଦ୍ଧ ୧୮ ଦିନରେ ଜିତା ଯାଇଥିଲା । କରୋନା ସହ ଯୁଦ୍ଧ ୨୧ ଦିନରେ ଜିତିବା ହେଉଛି ଲକ୍ଷ୍ୟ ।
ପିଏମ୍ ମୋଦି କହିଥିଲେ ଯେ, ମହାଭାରତ ଯୁଦ୍ଧ ୧୮ ଦିନରେ ଜିତା ଯାଇଥିଲା । ଆଜି କରୋନା ବିରୋଧରେ ଯେଉଁ ଯୁଦ୍ଧକୁ ଦେଶ ଲଢୁଛି,ସେଥିରେ ୨୧ ଦିନ ଲାଗିବ । ଆମେ ଏହି ଯୁଦ୍ଧକୁ ୨୧ ଦିନରେ ଜିତିବାକୁ ଚାହୁଁଛୁ । ଦେଶକୁ ସମ୍ବୋଧନ କରିବାର ଗୋଟିଏ ଦିନ ପରେ ପିଏମ୍ ନିଜ ସଂସଦୀୟ କ୍ଷେତ୍ରର ଭୋଟରଙ୍କୁ ସମ୍ବୋଧନ କରି ଏକଥା କହିଛନ୍ତି । ସେ କହିଛନ୍ତି ଯେ, ମହାଭାରତ ଯୁଦ୍ଧରେ ଭଗବାନ ଶ୍ରୀକୃଷ୍ଣ ମହାରଥୀ ଥିଲେ । କରୋନା ବିରୋଧ ଯୁଦ୍ଧରେ ୧୩୦ କୋଟି ମହାରଥୀଙ୍କୁ ନେଇ ଆମକୁ ଜିତିବାକୁ ହେବ ।
