୯୦୦ କୋଟି ମୂଲ୍ୟର ୩ ପେଟ୍ରୋଲିୟମ୍ ପ୍ରକଳ୍ପର ଉଦ୍ଘାଟନ କଲେ ପ୍ରଧାନମନ୍ତ୍ରୀ
1 min read
ନୂଆଦିଲ୍ଲୀ: ପାଖେଇ ଆସୁଛି ବିହାର ନିର୍ବାଚନ । ତା’ ପୂର୍ବରୁ ବିହାରରେ ପେଟ୍ରୋଲିୟମ କ୍ଷେତ୍ରରେ ୩ଟି ବଡ ପ୍ରକଳ୍ପର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ । ଯେଉଁଥି ଲାଗି ଖର୍ଚ୍ଚ ହେବ ୯୦୦ କୋଟିରୁ ଊର୍ଦ୍ଧ୍ୱ ଟଙ୍କା । ଭିଡିଓ କନଫରେନ୍ସିଂ ମାଧ୍ୟମରେ ଏହାର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ । ପାରାଦୀପ-ହଲଦିଆ-ଦୁର୍ଗାପୁର ଗ୍ୟାସ ପାଇପଲାଇନ ବିସ୍ତାର ସହ ଦୁଇଟି ଗ୍ୟାସ ବଟଲିଂ ପ୍ଲାଣ୍ଟର ମଧ୍ୟ ଉଦଘାଟନ କରିଛନ୍ତି ମୋଦି । ୧୯୩ କିଲୋମିଟର ଧରି ପାରାଦୀପ-ହଲଦିଆ-ଦୁର୍ଗାପୁର ଗ୍ୟାସ ପାଇପଲାଇନ ବିସ୍ତାର ପାଇଁ ଗତବର୍ଷ ଶିଳାନ୍ୟାସ କରିଛନ୍ତି ପ୍ରଧାନମନ୍ତ୍ରୀ । ଏଥିସହ ବିହାରର ବାଙ୍କାରେ ଗ୍ୟାସ ବଟଲିଂ ପ୍ଲାଣ୍ଟର ଉଦଘାଟନ କରାଯାଇଛି । ଯାହା ଆତ୍ମନିର୍ଭର ଭାରତ ଯୋଜନାକୁ ମଧ୍ୟ ପ୍ରୋତ୍ସାହନ ଯୋଗାଇବ । ଏବେ ସାରା ବିହାରବାସୀ LPG ଗ୍ୟାସ କନେକସନ୍ ପାଇପାରିବେ । ଅନ୍ୟ ସହର ଭଳି ମଧ୍ୟ ବିହାରୀବାସ ସମସ୍ତ ସୁବିଧା ପାଇପାରିବେ । ଉଜ୍ଜଳା ଯୋଜନା ମାଧ୍ୟମରେ ସାରା ଦେଶରେ ଏବେ ପ୍ରାୟ ୮ କୋଟି ଗରିବ ଲୋକେ ଗ୍ୟାସ କନେକସନ୍ ପାଇଛନ୍ତି । ବିହାରବାସୀ ଯେଭଳି ସମସ୍ତ ସୁବିଧା ପାଇପାରିବେ ସେ କାମ କାମ ଆଗେଇ ଚାଲିଛି ବୋଲି କହିଛନ୍ତି ପ୍ରଧାନମନ୍ତ୍ରୀ ଉଦଘାଟନୀ ଅବସରରେ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଉପସ୍ଥିତ ଥିଲେ ।
କାଲି ସଂସଦ ଅଧିବେଶନ; କ’ଣ ରହିଛି ବିରୋଧୀ ଓ ସରକାରଙ୍କ ପ୍ରସ୍ତୁତି, କେଉଁ ପ୍ରସଙ୍ଗରେ ହେବ ଆଲୋଚନା, ଜାଣନ୍ତୁ…
