‘ଇନ୍ଦିରା ଲେହ ଯାଇଥିଲେ, ପାକିସ୍ତାନ ଦୁଇ ଭାଗ ହେଲା ଏବେ ମୋଦି ଯାଇଛନ୍ତି ଦେଖିବା କ’ଣ ହେଉଛି’
ଲେହ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲେହ ଗସ୍ତକୁ ନେଇ ଏବେ ରାଜନୀତି ଆରମ୍ଭ ହୋଇଯାଇଛି । ମୋଦିଙ୍କୁ ଆକ୍ଷେପ କରି କଂଗ୍ରେସ ନେତା ମନୀଷ ତିୱାରୀ ଇନ୍ଦିରା ଗାନ୍ଧୀଙ୍କ ଲେହ ଗସ୍ତର ଏକ ଫଟୋ ସେୟାର କରିଛନ୍ତି । ଆଉ ସେଥିରେ ଲେଖିଛନ୍ତି, ଇନ୍ଦିରାଗାନ୍ଧୀ ଲଦାଖ ଯାଇଥିବା ବେଳେ ପାକିସ୍ତାନ ଦୁଇ ଖଣ୍ଡ ହୋଇଥିଲା । ହେଲେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲେହ ଯାଇଛନ୍ତି ଦେଖିବା କ’ଣ ହେଉଛି ।
ପୂର୍ବ ଲଦାଖରେ ଭାରତ ଏବଂ ଚୀନ୍ ସୈନିକଙ୍କ ମଧ୍ୟରେ ହୋଇଥିବା ହିଂସାକାଣ୍ଡ ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏହି ଗସ୍ତ ଚୀନ୍ ପାଇଁ ଏକ ବାର୍ତ୍ତା ଭାବରେ ଦେଖାଯାଉଛି । ଶୁକ୍ରବାର ସକାଳେ ମୋଦି ଅଚାନକ ଲଦାଖରେ ପହଞ୍ଚିଥିଲେ ।
ଏହି ଫଟୋରେ ଇନ୍ଦିରା ଗାନ୍ଧୀ ଯବାନଙ୍କୁ ସମ୍ବୋଧିତ କରୁଛନ୍ତି । ମନୀଷ ତିୱାରୀ ଫଟୋ ସହିତ ଲେଖିଛନ୍ତି, ଯେତେବେଳେ ଇନ୍ଦିରା ଲେହ ଯାଇଥିଲେ ସେତେବେଳେ ପାକିସ୍ତାନକୁ ଦୁଇ ଭାଗରେ ବିଭକ୍ତ କରିଦିଆଯାଇଥିଲା । ଏବେ ମୋଦି କ’ଣ କରୁଛନ୍ତି ଦେଖିବା । ଇନ୍ଦିରାଙ୍କର ଏହି ଫଟୋ ୧୯୭୧ ମସିହା ଯୁଦ୍ଧ ପୂର୍ବର ବୋଲି ଜଣାପଡ଼ିଛି । ଏହି ଫଟୋରେ ସେ ଲେହରେ ଯବାନମାନଙ୍କୁ ସମ୍ବୋଧିତ କରୁଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର ତିନି ସେନା ମୁଖ୍ୟ ଜେନେରାଲ ବିପିନ ରାୱତଙ୍କ ସହ ଲେହରେ ପହଞ୍ଚିଥିଲେ । ସକାଳ ପ୍ରାୟ ସାଢ଼େ ୯ଟା ବେଳେ ମୋଦି ଲେହରେ ପହଞ୍ଚିଥିଲେ ।
