ବାଂଲାଦେଶକୁ ଲାଲକିଲ୍ଲାରୁ ସ୍ପଷ୍ଟ ସନ୍ଦେଶ, ସଂଖ୍ୟାଲଘୁ ହିନ୍ଦୁଙ୍କ ସୁରକ୍ଷାକୁ ନେଇ ଭାରତ ଚିନ୍ତିତ

ନୂଆଦିଲ୍ଲୀ : ୭୮ତମ ସ୍ୱାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲାଲକିଲ୍ଲାରୁ ବାଂଲାଦେଶରେ ହୋଇଥିବା ହିନ୍ଦୁଙ୍କ ପ୍ରତି ହିଂସା ଏବଂ ମନ୍ଦିର ଭାଙ୍ଗିବା ଭଳି ଅନେକ ଜରୁରୀ ମାମଲାକୁ ନେଇ ସ୍ପଷ୍ଟ ସନ୍ଦେଶ ଦେଇଛନ୍ତି ।  ସେ ଶେଖ ହସିନାଙ୍କ ନାଁ ନନେଇ ବାଂଲାଦେଶରେ ହେଉଥିବା ଘଟଣାରକୁ ନେଇ ପଡୋଶୀ ଦେଶ ଭାବେ ଭାରତ ଚିନ୍ତିତ ଅଛି ବୋଲି କହିଛନ୍ତି ।

ପ୍ରଧାନମନ୍ତ୍ରୀ କହିଛନ୍ତି ଯେ, ବାଂଲାଦେଶରେ ହେଉଥବା ଘଟଣା ଉପରେ ମୁଁ ଅବଗତ ଅଛି । ଆଶା କରୁଛି କି ସେଠାକାର ପରିସ୍ଥିତି ଶୀଘ୍ର ଶାନ୍ତ ହେଉ । ବିଶେଷ ସେଠାରେ ଥିବା ସ୍ୱଳ୍ପସଂଖ୍ୟକ ହିନ୍ଦୁ ସମୁଦାୟଙ୍କ ସୁରକ୍ଷାକୁ ନେଇ ୧୪୦ କୋଟି ଦେଶବାସୀଙ୍କର ଚିନ୍ତିତ ଅଛନ୍ତି । ଭାରତ ସର୍ବଦା ଏହା ହିଁ ଚାହିଁବ ଯେ, ଆମ ପଡୋଶୀ ଦେଶରେ ସବୁବେଳେ ଶାନ୍ତି ବଜାୟ ରହୁ ଏବଂ ଖୁବ୍ ଶୀଘ୍ର ବାଂଲାଦେଶରେ ବିକାଶ ଆସିବ । ତେବେ ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି ଯେ ଶାନ୍ତି ପ୍ରତି ଭାରତର ପ୍ରତିବଦ୍ଧତା ଅଛି, ଏହା ଆମର ମୂଲ୍ୟବୋଧ। ଆଗାମୀ ଦିନରେ ବାଂଲାଦେଶର ବିକାଶ ଯାତ୍ରାରେ ଆମର ସର୍ବଦା ଶୁଭଚିନ୍ତକ ରହିବୁ ।