ବାଇଡେନଙ୍କ ସହ କଥା ହେଲେ ମୋଦି, କୋଭିଡ ସ୍ଥିତି ନେଇ ଆଲୋଚନା

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ. ବିଡେନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦେଶରେ କୋଭିଡର ସ୍ଥିତି ଉଦବେଗଜନକ ହୋଇଥିବାବେଳେ କରୋନା ଟିକାରେ ବ୍ୟବହୃତ ହେଉଥିବା କଞ୍ଚାମାଲ ପାଇଁ ଆମେରିକା ପ୍ରଧାନମନ୍ତ୍ରୀଙ୍କ ସହ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଫୋନ ଯୋଗେ କଥା ହୋଇଥିବା ନେଇ ମୋଦି ନିଜେ ଟ୍ବିଟ୍‌ କରିଛନ୍ତି ।

ଆମେରିକାର ରାଷ୍ଟ୍ରପତି ବିଡେନଙ୍କ ସହ ଫଳପ୍ରଦ ବାର୍ତ୍ତାଳାପ ହୋଇଛି ବୋଲି ମୋଦି କହିଛନ୍ତି । ଆମେ ଉଭୟ ଦେଶର COVID ପରିସ୍ଥିତି ବିଷୟରେ ଭଲ ଭାବରେ ଆଲୋଚନା କରିଛୁ । ଜୋ. ବିଡେନ୍‌ଙ୍କ ସହ ମୋର ଆଲୋଚନା ଟିକାର କଞ୍ଚାମାଲ ଏବଂ ଔଷଧ ଉପରେ ହୋଇଛି । ତେବେ ଦୁଇଜଣଙ୍କ ଆଲୋଚନା ସଫଳ ହୋଇଛି ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

ଗତକାଲି ଭାରତ କୋଭିଡ ସ୍ଥିତି ଦେଖି ସବୁ ପ୍ରକାର ସମର୍ଥନ କରିବେ ବୋଲି ବିଡେନ ଟୁଇଟ କରିଥିଲେ । କରୋନାର ପ୍ରଥମ ଲହର ବେଳେ ଭାରତ ସହାୟତା କରିଥିବାରୁ ଦ୍ବିତୀୟ ଲହରରେ ଆମେରିକା ସହାୟତା କରିବାକୁ ପ୍ରତିଶ୍ରୁତି ବଦ୍ଧ ବୋଲି ବିଡେନ ଟୁଇଟ କରିଥିଲେ ।