ସରକାରଙ୍କ ବଡ଼ ଘୋଷଣା ! ୨୧ ହଜାର ଟଙ୍କା ପର୍ଯ୍ୟନ୍ତ ମାସିକ ଆୟ କରୁଥିବା ବ୍ୟକ୍ତିଙ୍କୁ ମିଳିବ ଏହି ସୁବିଧା

ନୂଆଦିଲ୍ଲୀ: କରୋନାର ଦ୍ୱିତୀୟ ଲହରରେ ଦେଶରେ ଲକ୍ଷ ଲକ୍ଷ ଲୋକଙ୍କ ମୃତ୍ୟୁ ହୋଇଛି । ଅନେକ ପରିବାର ଅଛନ୍ତି ଯେଉଁମାନେ ରୋଜଗାର କରୁଥିବା ସଦସ୍ୟଙ୍କୁ ହରାଇଛନ୍ତି । ଏଭଳି ପରିସ୍ଥିତିରେ କେନ୍ଦ୍ର ସରକାର ସେହି ପରିବାରମାନଙ୍କୁ ସାହାଯ୍ୟ କରିବା ପାଇଁ ଅନେକ ପଦକ୍ଷେପ ମଧ୍ୟ ନେଉଛନ୍ତି। କୋଭିଡ -19 କାରଣରୁ ପ୍ରାଣ ହରାଇଥିବା ବ୍ୟକ୍ତିଙ୍କ ପରିବାରର ଭରଣ ପୋଷଣ ପାଇଁ ESIC ଅଧୀନରେ ପାରିବାରିକ ପେନ୍ସନ୍ ପ୍ରଦାନ କରାଯିବା ନେଇ ଘୋଷଣା କରାଯାଇଛି । EDLI ଯୋଜନା ଅନୁସାରେ ବୀମା ସୁବିଧାକୁ ମଧ୍ୟ ବୃଦ୍ଧି କରାଯାଇଛି ।

୨୧ହଜାର ଟଙ୍କା ମାସିକ ଆୟ କରୁଥିବା ଲୋକଙ୍କୁ ମିଳିବ ପେନ୍ସନ୍

ESICର ଲାଭ ସେହି କର୍ମଚାରୀଙ୍କ ପାଇଁ ଉପଲବ୍ଧ ଯେଉଁମାନଙ୍କର ମାସିକ ଆୟ ୨୧,୦୦୦ ଟଙ୍କା କିମ୍ବା ତା’ଠାରୁ କମ୍ ପାଉଥିବେ । ଯଦିଓ ଦିବ୍ୟଙ୍ଗତଙ୍କ ପାଇଁ ଆୟ ସୀମା ୨୫,୦୦୦ଟଙ୍କା ରହିଛି । ଏହି ପାରିବାର କିଭଳି ଏକ ସମ୍ମାନ ଜନକ ଜୀବନ ବଞ୍ଚିବେ ସେଥିପାଇଁ ସରକାର ଏଭଳି ଯୋଜନା କରିଥିବା କହିଛିନ୍ତି । ତେବେ ଏହି ଯୋଜନା ୨୪ ମାର୍ଚ୍ଚ ୨୦୨୦ ଠାରୁ ୨୪ ମାର୍ଚ୍ଚ ୨୦୨୨ ପର୍ଯ୍ୟନ୍ତ କରୋନାରେ ମୃତ୍ୟୁବରଣ କରିଥିବା କର୍ମଚାରୀଙ୍କଠାରେ ହିଁ ଲାଗୁ ହେବ । ଏହି ବ୍ୟକ୍ତିଙ୍କ ପରିବାର ସଦସ୍ୟମାନେ ମୃତ କର୍ମଚାରୀଙ୍କ ମାସିକ ଆୟର ୯୦ ପ୍ରତିଶତ ପେନ୍ସନର ସୁବିଧା ପାଇବେ ।

କର୍ମଚାରୀ ପ୍ରୋଭିଡେଣ୍ଟ ପାଣ୍ଠି ସଂଗଠନ

EDLI ଯୋଜନା ଅନ୍ତର୍ଗତ ବୀମା ସୁବିଧାକୁ ବୃଦ୍ଧି କରାଯାଇଛି । ଅନ୍ୟ ସମସ୍ତ ହିତାଧିକାରୀଙ୍କ ବ୍ୟତୀତ, ଏହି ଯୋଜନା ବିଶେଷ ଭାବରେ ସେହି କର୍ମଚାରୀଙ୍କ ପରିବାରକୁ ସାହାଯ୍ୟ କରିବ ଯେଉଁମାନେ କୋଭିଡ କାରଣରୁ ଜୀବନ ହରାଇଛନ୍ତି। ସର୍ବାଧିକ ବୀମା ରାଶି ୬ ଲକ୍ଷରୁ ୭ ଲକ୍ଷ ଟଙ୍କାକୁ ବୃଦ୍ଧି କରାଯାଇଥିବାବେଳେ ସର୍ବନିମ୍ନ ବୀମା ରାଶି ୨.୫ ଲକ୍ଷ ଟଙ୍କା ରଖାଯାଇଛି । ଏବଂ ଏହି ଯୋଜନା ୧୫ ଫେବୃଆରୀ ୨୦୨୦ ଠାରୁ ଆସନ୍ତା ତିନି ବର୍ଷ ପାଇଁ କାର୍ଯ୍ୟକାରୀ ହେବ।