ରେକର୍ଡ କରୁଛି କରୋନା, ସମୀକ୍ଷା କଲେ ପ୍ରଧାନମନ୍ତ୍ରୀ: ବ୍ୟକ୍ତିଗତ ସ୍ୱଚ୍ଛତା ଉପରେ ଗୁରୁତ୍ୱ

ନୂଆଦିଲ୍ଲୀ: ଦେଶରେ ପ୍ରତିଦିନ ନୂଆ ରେକର୍ଡ କରୁଛି ମହାମାରୀ ଭୂତାଣୁ କରୋନା  । ଗତ ୨୪ ଘଣ୍ଟାରେ ଭାରତରେ ସର୍ବାଧିକ ୨୭ହଜାର ୧୧୪ ନୂଆ ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ମିଶାଇ ପଜିଟିଭ୍ ସଂଖ୍ୟା ୮ଲକ୍ଷ ୨୦ ହଜାର ୯୧୬କୁ ବୃଦ୍ଧି ପାଇଛି ।

ଆକ୍ଟିଭ୍ କେସ୍ ରହିଛି ୨ଲକ୍ଷ ୮୩ହଜାର ୪୦୭ । ସେହିଭଳି ଗତ ୨୪ ଘଣ୍ଟାରେ ୫୧୯ ଜଣଙ୍କ ମୁଣ୍ଡ ନେଇଛି କେରାନା । ଏପର୍ଯନ୍ତ ସୁସ୍ଥ ହେଲେଣି ୫ଲକ୍ଷ ୧୫ହଜାର ୩୮୬ଜଣ । ଦେଶରେ ମୋଟ୍ ୨୨ହଜାର ୧୨୩ଜଣଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି ।

ଉତ୍ତରପ୍ରେଦଶରେ ଆଜି ସର୍ବାଧିକ ଏକ ହଜାର ୪୦୩ଟି ମାମଲା ଚିହ୍ନଟ ହୋଇଛି  । ଏହାକୁ ମିଶାଇ ୩୩ ହଜାର ୭୦୦ରେ ପହଞ୍ଚିଛି ଆକ୍ରାନ୍ତଙ୍କ ସଂଖ୍ୟା  । ସହିଭଳି ମହାରାଷ୍ଟ୍ରରେ ୨ଲକ୍ଷ ୩୮ ହଜାର ୪୬୧ ଆକ୍ରାନ୍ତ ହୋଇଥିବା ବେଳେ ୯ହଜାର ୮୯୩ଜଣଙ୍କ ମୃତ୍ୟୁ ହୋଇଛି ।

ତାମିଲନାଡୁରେ ଲକ୍ଷେ ୩୦ ହଜାର ୨୬୧ଜଣ ଆକ୍ରାନ୍ତ ହୋଇଥିବା ବେଳେ ୧୮ଶହ ୨୯ଜଣଙ୍କ ମୃତ୍ୟୁ ହୋଇଛି । ଦିଲ୍ଲୀରେ ଲକ୍ଷେ ଛୁଇଁଛି ଆକ୍ରାନ୍ତଙ୍କ ସଂଖ୍ୟା । ୩୩ଶହ ଜଣ ପ୍ରାଣ ହରାଇଛନ୍ତି । ଅପରପକ୍ଷରେ ଭିଡିଓ କନ୍‌ଫରେନ୍‌ସିଂ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ସମୀକ୍ଷା ବୈଠକ କରିଥିଲେ ।

ବ୍ୟକ୍ତିଗତ ଭାବେ ସଫାସୁତୁରା ରହିବା ସହ କରୋନା ନିୟମ ମାନିବା ଓ ସାଧାରଣ ସ୍ଥାନରେ ସାମାଜିକ ଦୂରତ୍ୱ ରକ୍ଷା ସହ ମାସ୍କ ପିନ୍ଧିବାକୁ ପରାମର୍ଶ ଦେଇଛନ୍ତି । ମହାମାରୀକୁ ରୋକିବା ପାଇଁ ପ୍ରଧାନମନ୍ତ୍ରୀ ମୋଦୀ ମଧ୍ୟ କର୍ତ୍ତୃପକ୍ଷଙ୍କୁ ପ୍ରଶଂସା କରିଛନ୍ତି । ମହାମାରୀକୁ ରୋକିବାରେ କେନ୍ଦ୍ର, ରାଜ୍ୟ ତଥା ସ୍ଥାନୀୟ କର୍ତ୍ତୃପକ୍ଷଙ୍କ ମିଳିତ ଉଦ୍ୟମକୁ ପ୍ରଧାନମନ୍ତ୍ରୀ ପ୍ରଶଂସା କରିଛନ୍ତି ।

ଏହି ବୈଠକରେ ଅହମ୍ମଦାବାଦ ମଡେଲକୁ ‘ଧନଭନ୍ତ୍ରି ରଥ’ ମାଧ୍ୟମରେ ଗୃହର ଯତ୍ନ ଏବଂ ଏହି ରୋଗର ସଫଳତା ପାଇଁ ବିଶେଷ ପ୍ରଶଂସା କରାଯାଇଥିଲା । ଉକ୍ତ ମଡେଲକୁ ଅନ୍ୟ ସ୍ଥାନରେ ଅନୁକରଣ କରବିକୁ ମଧ୍ୟ କୁହାଯାଇଛି । ବୈଠକରେ ସ୍ୱରାଷ୍ଟ୍ର ମନ୍ତ୍ରୀ ଅମିତ୍ ଶାହା, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ହର୍ଷବର୍ଦ୍ଧନ ସାମିଲ ଥିଲେ ।

https://www.facebook.com/NandighoshaTV/videos/268525097765579/