‘ମନ୍ କି ବାତ୍’ରେ ପିଏମ୍ ମୋଦିଙ୍କ ଅପିଲ୍, ଯବାନଙ୍କ ପାଇଁ ଏକ ଦୀପ ଜାଳନ୍ତୁ…

ନୂଆଦିଲ୍ଲୀ: ପିଏମ୍ ମୋଦି ‘ମନ୍ କି ବାତ୍’ କାର୍ଯ୍ୟକ୍ରମରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି । ଏଥିସହ ପ୍ରଧାନମନ୍ତ୍ରୀ ମୋଦି ଦେଶବାସୀଙ୍କୁ ଦଶହରାର ଶୁଭେଚ୍ଛା ଜଣାଇଛନ୍ତି । ଦଶହରା ସଂକଟରୁ ଜିତିବାର ପର୍ବ । ପିଏମ୍ ମୋଦି କହିଛନ୍ତି- ଦଶହରା ଅସତ୍ୟ ଉପରେ ସତ୍ୟର ବିଜୟ ପର୍ବ । ଏଥିସହ ପର୍ବ ସଂକଟ ଉପରେ ଜିତିବାର ପର୍ବ ବୋଲି ମୋଦି କହିଛନ୍ତି ।

ପିଏମ୍ ମୋଦି ପୁଣି ଥରେ କହିଛନ୍ତି- ଏବେ ପାର୍ବଣ ଋତୁ ଆସିଛି । ଏହି ସମୟରେ ଲୋକ ଅଧିକ କିଣାକିଣି କରିବେ । ଏହି ସମୟର ଆପଣ ଲୋକାଲ ଫର ବାର୍ତ୍ତା ଧ୍ୟାନ ଦେବାକୁ ମୋଦି କହିଛନ୍ତି । ଏଥିସହ ସ୍ଥାନୀୟ ଓ ସ୍ୱଦେଶୀ ସାମଗ୍ରୀ କିଣିବାକୁ ମୋଦି କହିଛନ୍ତି । ଦେଶର ସୈନିକଙ୍କ ଲାଗି ବିଜୟା ଦଶମୀର ଶୁଭକାମନା ଦେଇ ଏହି ଦୀପାବଳିରେ ଏକ ଦୀପ ସୀମାରେ ମୁତୟନ ସୈନିକଙ୍କ ଲାଗି ଜାଳିବାକୁ କହିଛନ୍ତି । ଏଥିସହ ପାର୍ବଣରେ ସାମାଜିକ ଦୂରତା ରକ୍ଷା ପାଇଁ ନିବେଦନ କରିଛନ୍ତି ପ୍ରଧାନମନ୍ତ୍ରୀ ।

ମୋଦି କହିଛନ୍ତି- ଆମେ ସେହି ଯବାନଙ୍କୁ ମନେ ରଖିବା ଉଚିତ୍, ଯେଉଁମାନେ ପାର୍ବଣରେ ସୀମାରେ ମୁତୟନ ଅଛନ୍ତି । ଭାରତ ମାତାର ସେବା ଓ ସୁରକ୍ଷା କରୁଛନ୍ତି । ଆମେ ସେମାନଙ୍କ ସ୍ମରଣ କରି ପାର୍ବଣ ପାଳିବା ଦରକାର । ଆମେ ଘରେ ଏକ ଦୀପ, ଭାରତ ମାତାର ଏହି ବୀର ପୁଅ,ଝିଅଙ୍କ ଲାଗି ଜାଳିବା ଉଚିତ୍ ।