ନୂଆଦିଲ୍ଲୀ: ରିପବ୍ଲିକ୍ ମିଡିିଆ ନେଟୱର୍କର ଏଡିଟର-ଇନ୍-ଚିଫ୍ ଅର୍ଣ୍ଣବ ଗୋସ୍ୱାମୀ ଓ ବାର୍କର ପୂର୍ବତନ ସିଇଓ ପାର୍ଥ ଦାସଗୁପ୍ତାଙ୍କ ମଧ୍ୟରେ ହୋଇଥିବା କଥାବାର୍ତ୍ତାର ହ୍ୱାଟ୍ସଆପ ଚାର୍ଟ ଲିକ୍ ପରେ ବିବାଦ ଘନେଇଛି। ଏବେ ଏହି ମାମଲାରେ ନିଜ ପ୍ରତିକ୍ରିୟା ରଖିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍।
ଏପରିକି ପୁଲୱାମା ଆକ୍ରମଣ ଓ ବାଲାକୋଟରେ ଭାରତର ସର୍ଜିକାଲ୍ ଷ୍ଟ୍ରାଇକ୍ ସମ୍ପର୍କିତ ସୂଚନା ଅର୍ଣ୍ଣବଙ୍କୁ ପୂର୍ବରୁ କିପରି ମିଳିଥିଲା । ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ଖାଲି ଏତିକି ନୁହେଁ ଅର୍ଣ୍ଣବଙ୍କ ସମର୍ଥକ ଓ ବିରୋଧି ମାନେ ମଧ୍ୟ ନିଜ ନିଜର ମତ ରଖିବାରେ ଲାଗିଛନ୍ତି।
ଏହି ଘଟଣାରେ ସମସ୍ତେ ଭିନ୍ନ ଭିନ୍ନ ମତ ରଖୁଥିବା ବେଳେ ପାକିସ୍ତାନ ପ୍ରଧାନନ୍ତ୍ରୀ ଇମ୍ରାନ୍ ଖାନ୍ ମଧ୍ୟ ବାଦ୍ ପଡିନାହାଁନ୍ତି। ଇମ୍ରାନ୍ ନିଜ ଟ୍ୱିଟରରେ ଏକ ପୋଷ୍ଟ କରିଛନ୍ତି ଯେ, “୨୦୧୯ ମସିହାରେ ମୁଁ ସଂଯୁକ୍ତ ରାଷ୍ଟ୍ର ମହାସଭା (ୟୁଏନଜିଏ)ରେ କହିଥିଲି ଯେ ଭାରତର ମୋଦି ସରକାର ବାଲାକୋଟ ଷ୍ଟ୍ରାଇକକୁୁ ନିର୍ବାଚନୀ ଫାଇଦା ଭାବେ ବ୍ୟବହାର କରିଛନ୍ତି”।
that led to a dangerous military adventurism to win an election in utter disregard for the consequences of destabilising the entire region. Pakistan averted a larger crisis by a responsible, measured response to Balakot. Yet, Modi govt continues to turn India into a rogue state.
— Imran Khan (@ImranKhanPTI) January 18, 2021
I want to reiterate that my govt will continue to expose India's belligerent designs towards Pakistan & Modi govt's fascism. Int community must stop India from its reckless, militarist agenda before the Modi govt's brinkmanship pushes our region into a conflict it cannot control.
— Imran Khan (@ImranKhanPTI) January 18, 2021
ସେହିପରି ଇମ୍ରାନ ଟ୍ବିଟରରେ ଆଉ ଏକ ପୋଷ୍ଟ କରିଛନ୍ତି। ଏଭଳି ଭୟଙ୍କର ପରିସ୍ଥିତି ଯୋଗୁଁ ପୂରା ଅଞ୍ଚଳରେ ସୃଷ୍ଟି ହେବାକୁ ଥିବା ଦୁଷ୍ପରିଣାମକୁ ମଧ୍ୟ ଅଣଦେଖା କରାଯାଇଥିଲା। ହେଲେ ପାକିସ୍ତାନ ବାଲାକୋଟ୍ ମାମଲାରେ ଏକ ଦାୟିତ୍ବବାନ ଓ ସନ୍ତୁଳିତ ପ୍ରତିକ୍ରିୟା ଦେଇଥିଲା। ଆଉ ଏଭଳି ଭାବେ ଏକ ବଡ ସଙ୍କଟକୁ ଏଡାଇ ଦିଆଯାଇଥିଲା।
ଇମ୍ରାନ ନିଜର ଶେଷ ଟ୍ୱିଟରେ ଉଲ୍ଲେଖ କରିଛନ୍ତି ଯେ, “ପାକିସ୍ତାନ ବିରୋଧରେ କରାଯାଉଥିବା ଷଡଯନ୍ତ୍ର ଓ ମୋଦି ସରକାରର ଫାସିଜିମ୍ ର ପର୍ଦାଫାଶ ମୋ ସରକାର କରିବ। ଅନ୍ତରାଷ୍ଟ୍ରୀୟ ସମୁଦାୟକୁ ଭାରତର ଏଭଳି ବିବେକହୀନ, ସୈନ୍ୟ ଏଜେଣ୍ଡାକୁ ରୋକିବାକୁ ପଡିବ। ନଚେତ୍ ମୋଦି ସରକାର ଏହାକୁ ଏଭଳି ଏକ ପରିସ୍ଥିତି ମଧ୍ୟକୁ ଠେଲି ଦେବେ ଯାହା ଉପରେ ନିୟନ୍ତ୍ରଣ ପାଇବା କଷ୍ଟକର ହୋଇପଡିବ”।
ସୂଚନା ଅନୁସାରେ , ୨୦୧୯ ମସିହା ୨୩ ଫେବ୍ରୁଆରୀରେ ଅର୍ଣ୍ଣବ ଏବଂ ପୂର୍ବତନ ବାର୍କ ସିଇଓ ପାର୍ଥଦାସ ଗୁପ୍ତାଙ୍କ ମଧ୍ୟରେ ଏକ ଚାଟ୍ ହୋଇଥିଲା । ଯାହା ପୁଲୱାମା ଘଟଣା ପରର ଚାଟ୍ ଥିଲା ବୋଲି ଜଣାପଡିଛି। ଏଥିରେ ଦୁହିଁଙ୍କ ମଧ୍ୟରେ ବାର୍ତ୍ତାଳାପ ସମୟରେ ଅର୍ଣ୍ଣବ କହିଥିଲେ ଏଥରକ କିଛି ବଡ଼ ହେବାକୁ ଯାଉଛି। ଯାହାର ଉତ୍ତରରେ ପାର୍ଥଦାସ ଗୁପ୍ତା କ’ଣ ପଚାରିବାରୁ ଅର୍ଣ୍ଣବ ପାକିସ୍ତାନ ଆଡ଼କୁ ଇଙ୍ଗିତ କରିଥିଲେ । ଆଉ ଏହି ଚାଟରୁ ସ୍ପଷ୍ଟ ବାରି ହୋଇପଡ଼ୁଥିଲା ଯେ, ପୋଷ୍ଟ ପୁଲୱାମାର ଯୋଜନା ବିଷୟରେ ଅଳ୍ପବହୁତେ ଅର୍ଣ୍ଣବଙ୍କୁ ଜଣା ଥିଲା । ତେବେ ଅର୍ଣ୍ଣବଙ୍କ ଏହି ଚାଟ ସାର୍ବଜାନୀନ ହେବା ପରେ ଏକପ୍ରକାର ବିବାଦ ଘନେଇବାରେ ଲାଗିଛି।
