ପୁତିନଙ୍କ ସହ କଥା ହେଲେ ମୋଦି: ‘ଯୁଦ୍ଧ ନୁହେଁ NATO ସହ ହେଉ ସକାରାତ୍ମକ ଆଲୋଚନା ’
1 min read
ନୂଆଦିଲ୍ଲୀ: ଋଷ-ଯୁକ୍ରେନ ବିବାଦ ଭିତରେ ପ୍ରଥମ ଥର ସାମ୍ନାକୁ ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଋଷ ରାଷ୍ଟ୍ରପତି ପୁତିନ୍ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଫୋନ ଯୋଗୋଁ ଋଷ ରାଷ୍ଟ୍ରପତି ଭ୍ଲାଦିମିର ପୁତିନଙ୍କ ସହ ବାର୍ତ୍ତାଳପ କରିଛନ୍ତି । ନାଟୋ ସହ ଆଲୋଚନା କରି ଶାନ୍ତି ଫେରାଇ ଆଣିବାକୁ ଅପିଲ୍ କରିଛନ୍ତି ପ୍ରଧାନମନ୍ତ୍ରୀ । ପାଖାପାଖି ୨୦ରୁ ୨୫ ମିନିଟ ଧରି ଆଲୋଚନା କରିଛନ୍ତି ପ୍ରଧାନମନ୍ତ୍ରୀ । ସେପଟେ ୟୁକ୍ରେନରେ ଋଷର ଯୁଦ୍ଧ ପରେ ସେଠାରେ ଫଶି ରହିଥିବା ଭାରତୀୟଙ୍କ ପାଇଁ ତତ୍ପରତା ପ୍ରକାଶ କରିଛନ୍ତି ଭାରତ ସରକାର ।
ସେଠାରେ ଥିବା ଛାତ୍ରଛାତ୍ରୀଙ୍କୁ ସୁରକ୍ଷିତ ଭାରତ ଫେରାଇ ଆଣିବା ପାଇଁ ଯୋଜନା କରାଯାଉଛି । ଏଥିପାଇଁ ଦୂତାବାସ ପକ୍ଷରୁ ଏକ ଆଡଭାଇଜରୀ ଜାରି କରାଯାଇଛି । ପୋଲାଣ୍ଡ ଓ ହଙ୍ଗେରୀ ବାଟ ଦେଇ ୟୁକ୍ରେନରୁ ଭାରତୀୟଙ୍କୁ ସ୍ୱଦେଶ ଫେରାଇ ଅଣାଯିବ । ଆକାଶ ମାର୍ଗକୁ ଆସନ୍ତା ମାସେ ପାଇଁ ୟୁକ୍ରେନ୍ ସରକାର ସିଲ୍ କରିଥିବା ବେଳେ ବିମାନରେ ଆଣିବା ସମ୍ଭବ ନୁହେଁ ବୋଲି ସରକାର କହିଛନ୍ତି । ଏନେଇ ବୈଦେଶିକ ମନ୍ତ୍ରାଳୟ ପକ୍ଷରୁ ପ୍ରେସମିଟ୍ କରି ସୂଚନା ଦିଆଯାଇଛି ।
ସେପଟେ ୟୁକ୍ରେନ୍ରେ ଥିବା ଦୂତାବାସ ପକ୍ଷରୁ ୨୪ ଘଣ୍ଟିଆ ହେଲ୍ପୁଲାଇନ୍ ବ୍ୟବସ୍ଥା କରାଯାଇଛି । କେହି ଅସୁବିଧାରେ ଥିଲେ ତୁରନ୍ତ ସେମାନଙ୍କୁ ସହାୟତା ଯୋଗାଇ ଦିଆଯାଉଛି । ଏପଟେ ଭାରତରେ ଥିବା ପୋଲାଣ୍ଡ ରାଜଦୁତଙ୍କ ସହ ମଧ୍ୟ ବୈଦେଶିକ ସଚିବ ଆଲୋଚନା କରିଛନ୍ତି । ଋଷ ସାରା ବିଶ୍ୱ ପାଇଁ ଭୟଙ୍କର ସଂକଟ ଆଣିବ ବୋଲି ପୋଲାଣ୍ଡ ରାଷ୍ଟ୍ରଦୂତ କହିଛନ୍ତି । ଏଥିପାଇଁ ପୋଲାଣ୍ଡ ୟୁକ୍ରେନ୍ ସମର୍ଥନରେ ଥିବା ସେ କହିଛନ୍ତି । ଶାନ୍ତିରେ ବିଶ୍ୱାସ କରୁଥିବା ଭାରଚତ ପୁଣି ଥରେ ନିଜକୁ ପ୍ରତିପାଦିତ କରିଛି । ଯୁଦ୍ଧ ନୁହେଁ ସମ୍ପର୍କ ଏବଂ ସୁରକ୍ଷା ପାଇଁ ତତ୍ପରତା ପ୍ରକାଶ କରିଛି ଭାରତ । ଯୁଦ୍ଧ ନହୋଇ ଶାନ୍ତିପୂର୍ଣ୍ଣ ଆଲୋଚନା ପାଇଁ ନିବେଦନ କରିଛନ୍ତି ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
