ନନ୍ଦିଘୋଷ ବ୍ୟୁରୋ : ଅହମଦାବାଦ ଯାଇ ଏୟାର ଇଣ୍ଡିଆ ବିମାନ ଦୁର୍ଘଟଣାର ସମୀକ୍ଷା କରିଛନ୍ତି ପ୍ରଧାନମନ୍ତ୍ରୀ ମୋଦି। ଆଜି ସକାଳେ ସେ ଅହମଦାବାଦରେ ପହଞ୍ଚିଥିଲେ। ତା ପରେ ସିଧା ଦୁର୍ଘଟଣାସ୍ଥଳକୁ ଯାଇ ବୁଲି ଦେଖିଥିଲେ। କେମିତି ଦୁର୍ଘଟଣା ହୋଇଥିଲା, ଏବେ ସ୍ଥିତି କେମିତି ଅଛି ସେ ସଂପର୍କରେ ଦୁର୍ଘଟଣାସ୍ଥଳରେ ହିଁ ଅଧିକାରୀଙ୍କୁ ପଚାରି ବୁଝିଥିଲେ।
ପରେ ପ୍ରଧାନମନ୍ତ୍ରୀ ହସ୍ପିଟାଲକୁ ଯାଇ ଆହତଙ୍କୁ ଭେଟିଥିଲେ । ବିମାନରେ ଥିବା ୨୪୨ ଯାତ୍ରୀଙ୍କ ମଧ୍ଯରୁ କେବଳ ଜଣେ ହିଁ ବଞ୍ଚିଛନ୍ତି। ସେ ହସ୍ପିଟାଲରେ ଚିକିତ୍ସିତ ହେଉଛନ୍ତି। ତାଙ୍କୁ ବ୍ୟକ୍ତିଗତ ଭାବେ ନିଜେ ଭେଟିଛନ୍ତି ସ୍ଵାସ୍ଥ୍ୟବସ୍ଥା ସଂପର୍କରେ ପଚାରି ବୁଝିଛନ୍ତି ପ୍ରଧାନମନ୍ତ୍ରୀ। ହସ୍ପିଟାଲ ପରିଦର୍ଶନ ପରେ ମୋଦି ବରିଷ୍ଠ ଅଧିକାରୀଙ୍କ ସହିତ ଏହି ଭୟାନକ ଦୁର୍ଘଟଣା ସଂପର୍କରେ ଆଲୋଚନା କରିଛନ୍ତି। ବୈଠକରେ ଗୁଜରାଟ ମୁଖ୍ୟମନ୍ତ୍ରୀ ଭୂପେଶ ପଟେଲ ବି ଉପସ୍ଥିତ ଥିଲେ।
