କୋଚି: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କେରଳର ଜଣେ ଛାତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । ଯାହାର ସୁମଧୁର ସ୍ୱରରେ ଏକ ହିମାଚଳି ଗୀତ ସୋସିଆଲ ମିଡିଆରେ ଭାଇରାଲ ହୋଇଛି । ଏହି ଛାତ୍ରୀଙ୍କ ନାମ ଦେବିକା । ଛାତ୍ରୀ ଜଣକ କହିଛନ୍ତି, ତାଙ୍କ ଶିକ୍ଷକଙ୍କ ପ୍ରେରଣା ଓ ତାଲିମ ଯୋଗୁଁ ସେ ଏଭଳି ଗୀତ ଗାଇପାରିଛନ୍ତି ।
ପ୍ରଧାନମନ୍ତ୍ରୀ ନିଜ ଟ୍ୱିଟର ହ୍ୟାଣ୍ଡେଲରେ ନବମ ଶ୍ରେଣୀରେ ପଢ଼ୁଥିବା ଜଣେ ଛାତ୍ରୀଙ୍କ ଏକ ନ୍ୟୁଜ୍ ଭିଡିଓ ସେୟାର କରି ତାଙ୍କର ମଧୁର ସ୍ୱରକୁ ପ୍ରଶଂସା କରିଛନ୍ତି । ପ୍ରଧାନମନ୍ତ୍ରୀ ମାଲାୟାଲମରେ ଟୁଇଟ୍ କରି ମନୋରାମା ନ୍ୟୁଜ୍ ଚ୍ୟାନେଲରେ ପ୍ରସାରିତ ଏହି ଖବର ସେୟାର କରି କହିଛନ୍ତି, ମୁଁ ଦେବିକାଙ୍କ ପାଇଁ ଗର୍ବିତ । ତାଙ୍କର ସୁମଧୁର ଗୀତ ‘ଏକ ଭରତ, ଶ୍ରେଷ୍ଠ ଭାରତ !’ ର ଆଭିମୁଖ୍ୟକୁ ଦୃଢ଼ କରିଛି ।
#WATCH Devika, a student from Kerala, sings a folk song from Himachal Pradesh. She received appreciation from PM Modi after a video of her singing the song went viral on social media.
She says, "I thank my teacher who recently encouraged me to sing & also taught me music. " pic.twitter.com/1Ey2L7ti66
— ANI (@ANI) October 10, 2020
ତେବେ ଛାତ୍ରୀ ଜଣକ ଏନେଇ ପ୍ରଧାନମନ୍ତ୍ରୀଙ୍କ ଉଦେଶ୍ୟରେ ନିଜର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ସେ କେବେ ବି ଭାବିନଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ଗୀତକୁ ପ୍ରଶଂସା କରିବେ । ଏଥିପାଇଁ ସେ ମୋଦିଙ୍କୁ କୃତଜ୍ଞତା ଜଣାଇଛନ୍ତି । ଏକ ଗଣମାଧ୍ୟକୁ ପ୍ରତିକ୍ରିୟା ଦେଇ ଦେବିକା କହିଛନ୍ତି ଯେ, ‘ମୁଁ ଯେତେବେଳେ ଏହି ଗୀତ ଗାଇଥିଲି ସେତେବେଳେ ଭାବିନଥିଲି ମୋ ଗୀତ ପ୍ରଧାନମନ୍ତ୍ରୀଙ୍କୁ ପସନ୍ଦ ଆସିବ ।’
ദേവിക എന്ന കുട്ടിയെ ഓർത്ത് അഭിമാനം ! അവളുടെ ശ്രുതിമധുരമായ ആലാപനം 'ഏക ഭാരതം ശ്രേഷ്ഠഭാരതത്തിന്റെ' അന്തസത്ത ശക്തിപ്പെടുത്തുന്നു ! https://t.co/hUsD9jIhcQ
— Narendra Modi (@narendramodi) October 10, 2020
ମନୋରାମା ନ୍ୟୁଜ୍ ଚ୍ୟାନେଲ ଦ୍ୱାରା ପ୍ରକାଶିତ ଖବରରେ ଦେବିକା କହିଛନ୍ତି ଯେ, ବର୍ତ୍ତମାନ ପର୍ଯ୍ୟନ୍ତ ୪୦ ଲକ୍ଷରୁ ଅଧିକ ଲୋକ ତାଙ୍କ ଭିଡିଓ ଦେଖିଛନ୍ତି । ତେବେ ଏହାର ଗୋଟିଏ ଦିନ ପୂର୍ବରୁ ହିମାଚଳ ପ୍ରଦେଶ ମୁଖ୍ୟମନ୍ତ୍ରୀ ଜୟରାମ ଠାକୁର ଥିରୁବନନ୍ତପୁରମ ଦେବିକାଙ୍କ ଆଉ ଏକ ଭିଡିଓ ନିଜ ଫେସବୁକ୍ ପେଜରେ ସେୟାର କରିଛନ୍ତି । ଯେଉଁଥିରେ ସେ ‘ଚାମ୍ବା କିତ୍ନୀ… ଦୂର’ ଗୀତ ଗାଉଥିବାର ନଜର ଆସିଛନ୍ତି । ଠାକୁର ଏହି ଭିଡିଓ ପୋଷ୍ଟ କରି କହିଛନ୍ତି ଯେ, ଦେବିକା ସମଗ୍ର ରାଜ୍ୟର ହୃଦୟ ଜିତିଛନ୍ତି ।
https://www.facebook.com/jairamthakurbjp/videos/358121258642720/
ଠାକୁର ମଧ୍ୟ ଦେବିକାଙ୍କୁ ହିମାଚଳ ପ୍ରଦେଶ ପରିଦର୍ଶନ କରିବାକୁ ନିମନ୍ତ୍ରଣ କରିଥିଲେ । ତିରୁବନନ୍ତପୁରମର ପୋଟମସ୍ଥିତ କେନ୍ଦ୍ରୀୟ ବିଦ୍ୟାଳୟର ନବମ ଶ୍ରେଣୀ ଛାତ୍ରୀ ଦେବିକା ‘ଏକ ଭରତ, ଶ୍ରେଷ୍ଠ ଭାରତ’ କାର୍ଯ୍ୟକ୍ରମ ଅବସରରରେ ଏହି ହିମାଚଳି ଗୀତ ଗାଇଥିଲେ । କେରଳର ସଂସ୍କୃତି ମନ୍ତ୍ରୀ ଏ.କେ ବାଲାନ ମଧ୍ୟ ଦେବିକାଙ୍କୁ ଟେଲିଫୋନ୍ କରି ଅଭିନନ୍ଦନ ଜଣାଇଛନ୍ତି ।
