ମୋଦି କ୍ୟାବିନେଟରେ ବଡ଼ ନିଷ୍ପତ୍ତି, ପିଏମ ଆବାସ ଯୋଜନାରେ ଦିଆଯିବ ଅତିରିକ୍ତ ୩ କୋଟି ଘର

ନନ୍ଦିଘୋଷ ବ୍ୟୁରୋ: କେନ୍ଦ୍ର କ୍ଯାବିନେଟରେ ପ୍ରଥମ ବଡ ଘୋଷଣା। ପିଏମ ଆବାସ ଯୋଜନାରେ ମିଳିବ ଆଉ ୩ କୋଟି ଘର। ପ୍ରଧାନମନ୍ତ୍ରୀ ଆବାସ ଯୋଜନାରେ ଗ୍ରାମୀଣ ଓ ସହରାଞ୍ଚଳ ଗରିବଙ୍କ ଲାଗି ଅତିରିକ୍ତ ୩ କୋଟି ଘର ନିର୍ମାଣ ପ୍ରସ୍ତାବ ଉପରେ ଲାଗିଛି ମୋହର। ସହରାଞ୍ଚଳ ଓ ଗ୍ରାମାଞ୍ଚଳରେ ଥିବା ଗୃହହୀନଙ୍କୁ ଏହି ଘର ପ୍ରଦାନ କରାଯିବ। ଏହି ଆବାସରେ ବିଦ୍ୟୁତ, ଜଳ ଓ ଏଲପିଜି ସଂଯୋଗ ରହିବ। ଦାଯିତ୍ଵ ଗ୍ରହଣ ପରେ ପ୍ରଧାନମନ୍ତ୍ରୀ ମୋଦିଙ୍କ ଏହି ଦ୍ନିତୀୟ ବଡ଼ ଘୋଷଣା। ସକାଳେ ପ୍ରଧାନମନ୍ତ୍ରୀ ଭାବେ ଦାୟିତ୍ଵ ଗ୍ରହଣ କରିବା ପରେ ପିଏମ କିଶାନ ନିଧିର ୧୭ତମ କିସ୍ତି ଜାରି କରିବାକୁ ଫାଇଲରେ କରିଥିଲେ ପ୍ରଥମ ଦସ୍ତଖତ। ଏହାଦ୍ଵାରା ଉପକୃତ ହେବେ ୯. ୩ କୋଟିରୁ ଅଧିକ ଚାଷୀ। ପିଏମ କିଶାନ ନିଧିର ୧୭ତମ କିସ୍ତି ପ୍ରଦାନ ଲାଗି ନିର୍ଦ୍ଦେଶ ଦେଇଛନ୍ତି ପ୍ରଧାନମନ୍ତ୍ରୀ। ଏହି ଯୋଜନାରେ ୯.୩ କୋଟିରୁ ଅଧିକ ଚାଷୀଙ୍କୁ ପ୍ରାୟ ୨୦ ହଜାର କୋଟି ଟଙ୍କା ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି। ତୃତୀୟ ପାଳି ସରକାରରେ ଦାୟିତ୍ଵ ଗ୍ରହଣ ପରେ ଏହି ଦୁଇ ନିର୍ଦ୍ଦେଶ ଜାରି କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି।