ସବୁଠି ଇପ୍ସିତାଙ୍କ ପ୍ରଶଂସା

ଭୁବନେଶ୍ବର: ଆର୍କିଟେକଚର ଇଂଜିନିୟରରୁ ଇଙ୍ଗଲିସ୍ ଲିଟେରେଚର । ବିପର୍ଯ୍ୟୟ ଓ ପରିବର୍ତ୍ତିତ ପରିବେଶ ଅନୁସାରେ ଘର ଡିଜାଇନରେ ଲଣ୍ଡନରୁ ସ୍ନାତକ । ଏବେ ୟୁଏନ୍ଡ଼ିପିରେ ସମୁଦ୍ର କୂଳିଆ ଲୋକଙ୍କୁ ବିପର୍ଯ୍ୟୟ ସାମ୍ନା କରିବାର କଳାକୌଶଳ ଶିଖାଇବାର ଦାୟିତ୍ବ ତୁଲାଉଥିବା ଯୁବ ପ୍ରତିଭା ଇପ୍ସିତା ଦାଶଙ୍କ ପ୍ରଥମ ଇଂରାଜୀ ନୋଭେଲ ‘ପ୍ଲାଉଇଙ୍ଗ ଦି ମିରେଜ’କୁ ମିଳୁଛି ସବୁଆଡୁ ପ୍ରଶଂସା । ମୁଖ୍ୟମନ୍ତ୍ରୀଙ୍କ ଦ୍ବାରା ଲୋକାର୍ପିତ ଏହି ଉପନ୍ୟାସରେ ଲେଖିକା ଇପ୍ସିତା ଦାଶ ତାଙ୍କ ଲଣ୍ଡନରେ ପାଠପଢା ସମୟର ଅନୁଭୂତିକୁ ଏଥିରେ ନିଖୁଣ ଭାବେ ବର୍ଣ୍ଣନା କରିଛନ୍ତି। ଇପସିତାଙ୍କ ଶବ୍ଦ ସଂଯୋଜନା, ଲେଖାଶୈଳୀକୁ ଅନ୍ତର୍ଜାତୀୟ ସ୍ତରରେ ମିଳିଛି ଖୁବ୍ ସୁନାମ ।