ନନ୍ଦିଘୋଷ ବ୍ୟୁରୋ: ପିପିଲି ଥାନା ସୁନାମୁହିଁ ଗ୍ରାମରେ ଅଘଟଣ । ଧାନ ଜମିରେ ନିଆଁ ଲିଭାଇବାକୁ ଯାଇ ନିଆଁରେ ପୋଡ଼ି ହୋଇ ଚାଷୀଙ୍କ ମୃତ୍ୟୁ । ମୃତକ ହେଲେ ଗଜେନ୍ଦ୍ର ସ୍ୱାଇଁ । ଆଜି ସକାଳେ ଧାନ ବିଲରେ ନିଆଁ ଲାଗିଥିବା ବେଳେ ନିଆଁକୁ ଆୟତ୍ତ କରିବାକୁ ଯାଇ ନିଜେ ପୋଡି ହୋଇ ଯାଇଛନ୍ତି ଗଜେନ୍ଦ୍ର । ଜମିରେ ଅନେକ ଧାନ ଫସଲ ପୋଡି ନଷ୍ଟ ହୋଇଯାଇଥିବା ବେଳେ ଖବର ପାଇ ଘଟଣା ସ୍ଥଳରେ ମୃତ ଗଜେନ୍ଦ୍ରଙ୍କ ପାଖରେ ରୁଣ୍ଡ ହୋଇଥିଲେ ଗ୍ରାମବାସୀ । ମୃତ କଙ୍କ ପରିବାରକୁ ସରକାରୀ ସହାୟତା ଦେବାକୁ ଦାବି କରିଛନ୍ତି ଗ୍ରାମବାସୀ । ଘଟଣା ସ୍ଥଳରେ ପିପିଲି ଥାନା ଅଧିକାରୀ ପହଞ୍ଚି ତଦନ୍ତ କରିବା ସହିତ ଶବ ବ୍ୟବଚ୍ଛେଦ ପାଇଁ ହସ୍ପିଟାଲ ପଠାଇଛି ।
