ଶାଢିରେ ଗଣପର୍ବ ନୂଆଖାଇର ସମ୍ପୂର୍ଣ୍ଣ ଚିତ୍ର

ସୋନପୁର : ଶାଢିରେ ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇର ସମ୍ପୂର୍ଣ୍ଣ ଚିତ୍ର। ଏଭଳି ଶାଢି ତିଆରି କରିଛନ୍ତି ସୋନପୁର ପଟାଭାଡିର ପ୍ରସିଦ୍ଧ ତନ୍ତଶିଳ୍ପୀ ପ୍ରହଲ୍ଲାଦ ମେହେର । ଶାଢିରେ ନୂଆଧାନ ସଂଗ୍ରହଠାରୁ ଜୁହାର୍ ଭେଟ ପର୍ଯ୍ୟନ୍ତ ପ୍ରତ୍ୟେକଟି ଚିତ୍ର ସ୍ଥାନିତ ହୋଇଛି । ଝାଙ୍କରଙ୍କ ନୂଆ ଧାନ ସଂଗ୍ରହ, ପାହୁର୍ ଯାତ୍ରା, ଇଷ୍ଟ ଦେବା ଦେବୀଙ୍କୁ ନବାନ୍ନ ଲାଗି, ଏକାଠି ବସି ନବାନ୍ନ ଭକ୍ଷଣ, ନୂଆଁ ଖାଇଲା ପରେ ଜୁହାର୍ ଭେଟ୍ ଆଦିକୁ ସୁନ୍ଦର ଢଙ୍ଗରେ ବୁଣାଯାଇଛି । ସବୁଠୁ ଆକର୍ଷଣୀୟ ଲାଗୁଛି ରାତିର ସାଂସ୍କୃତିକ କାର୍ଯ୍ୟକ୍ରମ । ଏହି ଶାଢି ବୁଣିବାରେ ତାଙ୍କ ପତ୍ନୀ, ଦୁଇ ପୁଅ ସାହାର୍ଯ୍ୟ କରିଥିବା ବେଳେ ୨ମାସ ସମୟ ଲାଗିଛି । ୬ ଗ୍ରାମ ଉତ୍ତମ ପାଟ ସୂତାରେ ବୁଣାଯାଇଥିବା ଶାଢିରେ କଫି, ରଷ୍ଟ, ଲାଲ ଏବଂ କଳା ଚାରୋଟି ରଙ୍ଗ ବ୍ୟବହାର ହୋଇଛି । ତେବେ ଚଳିତ ନୂଆଖାଇରେ ଏହି ନୂଆଖାଇ ଶାଢିକୁ ଲୋକେ ନିଶ୍ଚୟ ଆଦର କରିବେ ବୋଲି ପ୍ରହଲ୍ଲାଦ କହିଛନ୍ତ ।