ବଡ଼ଦିନ ଉତ୍ସବରୁ ଫେରୁଥିବା ବେଳେ ଅଘଟଣ, ଘାଟିରେ ଓଲଟିଲା ପିକଅପ୍ ଭ୍ୟାନ୍

ଗୁଣପୁର: ରାୟଗଡ଼ା ଜିଲ୍ଲା ପୁଟାସିଂ ଘାଟିରେ ଭାରସାମ୍ୟ ହରାଇ ପିକଅପ୍ ଭ୍ୟାନ୍ ଓଲଟି ପଡ଼ିଛି । ଏଥିରେ ୧୭ରୁ ଅଧିକ ଜଣ ଆହତ ହୋଇଥିବା ବେଳେ ୫ ଜଣଙ୍କ ଅବସ୍ଥା ଗୁରୁତର ଥିବା ସୂଚନା ମିଳିଛି । ଆହତମାନଙ୍କୁ ପୁଟାସିଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ଆଉ କିଛି ଜଣଙ୍କୁ ଗୁଣପୁର ମେଡିକାଲେରେ ଚିକିତ୍ସା କରାଯାଉଛି । ଦୁର୍ଘଟଣା ସ୍ଥଳରୁ ୧୦୮ ଆମ୍ବୁଲାନ୍ସ ଯୋଗେ ଆହତଙ୍କୁ ମେଡିକାଲ୍ ସ୍ଥାନାନ୍ତରତି କରାଯାଉଛି ।

ପୁଟାସିଂ ଥାନା ପୋଲିସ୍ ସ୍ଥାନୀୟ ଲୋକଙ୍କ ସହାୟତାରେ ଆହତଙ୍କୁ ଉଦ୍ଧାର କରିଛି । ମିଳିଥିବା ସୂଚନା ଅନୁଯାୟୀ ବଡ଼ଦିନ ପର୍ବ ପାଇଁ ଗୁଣପୁର ବ୍ଲକରୁ କୁଲୁସିଂ ପଞ୍ଚାୟତର ଜାମ୍ବାଡାଲରୁ ଅନେକ ଯାତ୍ରୀ ଏକ ପିକଅପ୍ ଭ୍ୟାନରେ ଆବାସିଂଙ୍କୁ ଯାଇଥିଲେ । ଆବାସିଂରୁ ଜାମ୍ବାଡାଲ୍ ଫେରିବା ବେଳେ ପୁଟାସିଂ ଘାଟିରେ ପିକଅପ୍ ଭ୍ୟାନଟି ଓଲଟି ପଡ଼ିଥିଲା ।