‘୧୬ ବର୍ଷରେ ଶାରୀରିକ ସମ୍ପର୍କ ନିଷ୍ପତ୍ତି ନେବାରେ ସକ୍ଷମ’, ପକ୍ସୋ ମାମଲା ରଦ୍ଦ କଲେ ମେଘାଳୟ ହାଇକୋର୍ଟ

ଶିଲଂ: ମେଘାଳୟ ହାଇକୋର୍ଟ ୧୬ ବର୍ଷୀୟe ନାଗାଳିକା ଯୌନ ଶୋଷଣ ମାମଲାରେ ବଡ଼ ତର୍କ ଦେଇ ଫୈସଲା ଶୁଣାଇଛନ୍ତି । ହାଇକୋର୍ଟ ନାବାଳିକାଙ୍କ ବିରୋଧରେ ଯୌନ ଅପରାଧରୁ ଶିଶୁଙ୍କ ସଂରକ୍ଷଣ ପାଇଁ ରହିଥିବା ପକ୍ସୋ ଅଧିନିୟମ ୨୦୧୨ର ଧାରା ୩ ଏବଂ ୪ ଆଧାରରେ ରୁଜୁ ଏଫଆଇଆରକୁ ରଦ୍ଦ କରି ରାୟ ଶୁଣାଇଛନ୍ତି ଯେ, ୧୬ ବର୍ଷୀୟା ନାବାଳିକା ଯୌନ ସମ୍ପର୍କ ବନାଇବାକୁ ନେଇ ସଚେତ ନିର୍ଣ୍ଣୟ ନେବାରେ ସକ୍ଷମ । ମେଘାଳୟ ହାଇକୋର୍ଟ କହିଛନ୍ତି, ଅଧିନିୟମ ସ୍ପଷ୍ଟ ଭାବେ ଦର୍ଶାଉଛି ଯେ ଏହାର ଉଦ୍ଦେଶ୍ୟ ସେହି ମାମଲାକୁ ନିଜ ପରିଧିରେ ନେବାର ନୁହେଁ ଯେଉଁଠି ପ୍ରେମ ସମ୍ପର୍କରେ ଜଡ଼ିତ ଯୁବକ-ଯୁବତୀଙ୍କର ସମ୍ବନ୍ଧ ରହିଛି ।

ପ୍ରକାଶଯୋଗ୍ୟ, ଜଣେ ଯୁବକଙ୍କ ସହ ଫିଜିକାଲ ରିଲେସନରେ ରହଥିବା ଜଣେ ଯୁବତୀ ତାଙ୍କ ଉପରେ ଯୌନ ଶୋଷଣର ଅଭିଯୋଗ କରିଥିଲେ । ମେଘାଳୟ ହାଇକୋର୍ଟ ପ୍ରେମ ପ୍ରସଙ୍ଗ ସହ ସମ୍ବନ୍ଧିତ ଏହି ମାମଲାର ଶୁଣାଣି କରିଛନ୍ତି । ଆବେଦନକାରୀ ଅଭିଯୁକ୍ତ ଅନେକ ଘରେ କାମ କରୁଥିଲା ଏବଂ ଏଥିରେ ପୀଡିତା ନାବାଳିକାଙ୍କ ଘର ମଧ୍ୟ ସାମିଲ ଥିଲା । ଏହିଠାରୁ ହିଁ ଉଭୟଙ୍କ ମଧ୍ୟରେ ବନ୍ଧୁତ୍ୱ ସ୍ଥାପନା ହୋଇଥିଲା । ଏବଂ ଏହି ବନ୍ଧୁତା ଭଲପାଇବାରେ ପରିଣତ ହୋଇଥିଲା । ଏହାରି ମଧ୍ୟରେ ଉଭୟ ଶାରୀରିକ ସମ୍ପର୍କ ମଧ୍ୟ ରଖିଥିଲେ ।

ଯେତେବେଳେ ଏ ସମ୍ପର୍କରେ ଯୁବତୀଙ୍କ ମା’ ଜାଣିବାକୁ ପାଇଲେ ତେବେ ମାଆ ଆଇପିସିର ଧାରା ୩୬୩ ଏବଂ ପକ୍ସୋ ଆଇନର ଧାରା ୩ ଏବଂ ୪ ଆଧାରରେ ଏଫଆଇଆର୍ ରୁଜୁ କରିଥିଲେ । ମାମଲାରେ ନିମ୍ନ କୋର୍ଟରୁ ଯୁବକଙ୍କୁ ଆଶ୍ୱସ୍ତି ମିଳିନଥିଲା ତେବେ ସେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଏହି ମାମଲାର ଶୁଣାଣି ବେଳେ କୋର୍ଟ କହିଛନ୍ତି ଯେ ପରିବର୍ତ୍ତିତ ସାମାଜିକ ଆବଶ୍ୟକତା ସହିତ ଗତି କରିବା ଏବଂ ଆଇନରେ ଆବଶ୍ୟକୀୟ ପରିବର୍ତ୍ତନ ଆଣିବା ଆବଶ୍ୟକ, କାରଣ ୧୬ ବର୍ଷ ବୟସରେ ଜଣେ ନାବାଳିକାର ଶାରୀରିକ ତଥା ମାନସିକ ବିକାଶକୁ ବିଚାରକୁ ନେଲେ ଏହା ତର୍କ ସଂଗତ ମଣାଯିବ ଯେ ଏହିପରି ବ୍ୟକ୍ତି ନିଜର ମଙ୍ଗଳ ବିଷୟରେ ନିଷ୍ପତ୍ତି ନେବାରେ ସକ୍ଷମ ଅଟନ୍ତି ।

ଯୁବକଙ୍କ ପକ୍ଷରୁ ହାଜର ଓକିଲ ତର୍କ ଦେଇଥିଲେ ଯେ ଏହା ଯୌନ ଉତ୍ପିଡନର ମାମଲା ନୁହେଁ, ବରଂ ସମ୍ପୂର୍ଣ୍ଣ ଭାବେ ସହମତିରେ ସମ୍ପର୍କ ରଖିବାର ମାମଲା ଅଟେ । ଏହି ମାମଲାରେ ଅଭିଯୁକ୍ତ ନିଜ ଓକିଲଙ୍କ ମାଧ୍ୟମରେ ହାଇକୋର୍ଟଙ୍କୁ କହିଥିଲେ ଯେ ପୀଡିତା ନିଜେ ନିଜ ବୟାନରେ ଏବଂ ଅଦାଲତୀ ସାକ୍ଷ ସମୟରେ ଖୁଲାସା କରିଥିଲେ ଯେ ଯୌନ ସମ୍ପର୍କ ବନାଇବାରେ କୌଣସି ପ୍ରକାରର ଜବରଦସ୍ତି ସାମିଲ ନଥିଲା ।