ଆଚାର ଏବଂ ଚିପ୍ସ କରି ସ୍ବାବଲମ୍ବୀ ଆଦିବାସୀ ମହିଳା

ଫୁଲବାଣୀ: ପଣସ ଆଚାର ଏବଂ ଚିପ୍ସ କରି ରୋଜଗାର କରୁଛନ୍ତି ମହିଳା । କନ୍ଧମାଳ ଜିଲ୍ଲାରେ ଉତ୍ପାଦିତ ପଣସକୁ ପ୍ରଶାସନ ଦେଇଛି ନୂଆ ପରିଚୟ । “କନ୍ଧମାଳ ଜ୍ୟାକ୍‌ଫୁଟ୍’ ନାଁରେ ତିଆରି ହେଉଛି ଚଟପଟା ଆଚାର ଏବଂ ଚିପ୍ସ। କଞ୍ଚା, ଦରପାଚିଲା ଏବଂ ପାଚିଲା ପଣସରୁ ଏହି ଚିପ୍ସ ଏବଂ ଆଚାର ପ୍ରସ୍ତୁତ କରାଯାଇଛି। ଏସ୍ଏଚଜି ମହିଳା ମାନେ  ଏହି ସୁସ୍ବାଦୁ ଖାଦ୍ୟକୁ ପ୍ରସ୍ତୁତ କରୁଛନ୍ତି । ଓଡ଼ିଶାର ବିଭିନ୍ନ ସହରକୁ ପଣସ ଆଚାର ପହଞ୍ଚାଯିବାର ଲକ୍ଷ୍ୟ ରଖାଯାଇଛି l

ଚଟପଟା ପଣସ ଖଟା । ମିଠା ପଣସ ଖଟା ଏବଂ ପଣସ ଚିପ୍ସ ପ୍ରସ୍ତୁତ କରୁଛନ୍ତି ମହିଳା ।  କନ୍ଧମାଳ ଜିଲ୍ଲାର ଆଦିବାସୀ ମହିଳାମାନେ ସ୍ବାଦିଷ୍ଟ ଆଚାର ପ୍ରସ୍ତୁତ କରି ରୋଜଗାର କରୁଛନ୍ତି । ସ୍ଥାନୀୟ ଅଞ୍ଚଳରେ ଆମ୍ବ ପଣସ ଭଳି ଅନେକ ଫଳ ମିଳେ l ଅଧିକାଂଶ ସମୟ ଏସବୁ ବିକ୍ରି ନହୋଇ ନଷ୍ଟ ହୋଇଯାଏ । ଏହାର ବ୍ୟବହାର ପାଇଁ ଜିଲ୍ଲା ପ୍ରଶାସନ ସହଯୋଗରେ ପଣସକୁ ନେଇ ଆଚାର ଏବଂ ଚିପ୍ସ ପ୍ରସ୍ତୁତ ହେଇଛି। ଏସଏଚଜି ଗ୍ରୁପର ମହିଳା ମାନେ ଏହାକୁ ପ୍ରସ୍ତୁତ କରି ବଜାରରେ ବିକ୍ରି କରୁଛନ୍ତି । ବିଭିନ୍ନ ପ୍ରକାର ଆଚାର ମଧ୍ୟରେ ପଣସକୁ ନେଇ ଆଚାର ଟିକେ ନିଆରା ଏବଂ ଭିନ୍ନ ସ୍ବାଦର ଥିବାରୁ ଏହାକୁ ନେବାର ଗ୍ରାହକ ଆଗ୍ରହ ପ୍ରକାଶ କରୁଛନ୍ତି।

’ସେଣ୍ଟର ଅଫ୍ ଏକ୍ସିଲେନ୍ସି’ ନାମକ  ୟୁନିଟ୍ ଖୋଲାଯାଇ ପଣସରୁ ଚିପ୍ସ କରାଯାଉଚିl  ଆଇଟିଡିଏ ଏହି ୟୁନିଟ୍ ପାଇଁ ଆର୍ଥିକ ସହାୟତା କରିଛନ୍ତି l ପଣସ ଚିପ୍ସ ପାଇଁଲ ପ୍ରଥମେ ପଣସକୁ ଭଲ ଭାବେ ସଫା କରାଯାଇ ପିସ୍ ପିସ୍ କରି କାଟି ତାକୁ ତେଲରେ ଛଣାଯାଏ । ଏହାପରେ ସେଥିରେ କିଛି ମସଲା ଦିଆଯାଏ l  ଚିପ୍ସ  ପ୍ୟାକେଟକୁ 30 ଟଙ୍କାରେ ବିକ୍ରି କରାଯାଉଛି l ଏକ କିଲୋ ଚିପ୍ସକୁ 300 ଟଙ୍କା ରହିଛି । ଗ୍ରାହକ ମଧ୍ୟ ସ୍ପାଇସି ଚିପ୍ସ ଖାଇବାକୁ ପସନ୍ଦ କରୁଛନ୍ତି । ଭଲ ଦୁଇ ପଇସା ରୋଜଗାର କରିପାରୁଥିବାରୁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ମହିଳା ।