ବଜ୍ରକାପ୍ତା କାତି ଚୋରା ଚାଲାଣ ବେଳେ ୪ ଗିରଫ
1 min read
ଫୁଲବାଣୀ: ବଜ୍ରକାପ୍ତା କାତି ଚୋରା ଚାଲାଣ ବେଳେ ୪ ଗିରଫ । ଫୁଲବାଣୀ ରେଞ୍ଜ ଅଞ୍ଚଳରୁ ୫୬୫ କାତି ଜବତ କରିବା ସହ ୪ଜଣଙ୍କୁ ଗିରଫ କରାଯାଇଛି । ଜବତ କାତିର ଓଜର ପ୍ରାୟ ଅଢ଼େଇ କେଜି ହେବ ବୋଲି ଫୁଲବାଣୀ ଡିଏଫଓ ସୂଚନା ଦେଇଛନ୍ତି । ବଜ୍ରକାପ୍ତା କାତି ଚୋରା ଚାଲାଣ ନେଇ ଖବରପାଇ ବନ ବିଭାଗ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ଆରମ୍ଭ ହୋଇଥିଲା । ଖଜୁରୀପଡା ଘୁଗଲା ସାହିର ରାଧାକାନ୍ତ ବେହେରାଙ୍କ ଘରେ ଚଢାଉ କରି ୫୬୫ଟି କାତି ଜବତ କରିବା ସହ ପୋଲିସ ରାଧାକାନ୍ତକୁ ଗିରଫ କରିଥିଲା ।
ଏହାସହ ରାଧାକାନ୍ତ ଅନ୍ୟ ୩ ସହଯୋଗୀଙ୍କୁ ମଧ୍ୟ ବନ ବିଭାଗ ପକ୍ଷରୁ ଗିରଫ କରାଯାଇଛି । ସେମାନେ ହେଲେ ଖଜୁରୀପଡାର ରବୀନ୍ଦ୍ର ଗଣ୍ଡା, ଓ ବୌଦ୍ଧ ଜିଲା ପୁରୁଣାକଟକ ଥାନା ଅଞ୍ଚଳର ପ୍ରକାଶ ସାହୁ ଏବଂ ସୁଶାନ୍ତ ବେହେରା । ବଜ୍ରକାନ୍ତା କାତି ଚୋରାଚାଲାଣ ଚେର କେଉଁ ପର୍ଯ୍ୟନ୍ତ ଲମ୍ବିଛି ତାକୁ ନେଇ ତନାଘନା ଆରମ୍ଭ ହୋଇଛି । ଓ୍ବାଇଲ୍ଡ ଲାଇଫ ଆକ୍ଟ ଆଧାରରେ କେସ୍ ନମ୍ବର ୯୧/୨୨-୨୩ କେସ ରୁଜୁ କରାଯାଇ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି ।
