ରୋଗ ପ୍ରତିରୋଧକ କ୍ଷମତାକୁ ଜାଣିବା ପାଇଁ ଭୁବନେଶ୍ୱରରେ ଦ୍ୱିତୀୟ ପର୍ଯ୍ୟାୟ ସେରୋ ସର୍ଭେ

ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ବଢ଼ୁଥିବାରୁ ରାଜ୍ୟ ସରକାର ବିଭିନ୍ନ ପ୍ରକାରର ପଦକ୍ଷେକ ମାନ ନେଉଛନ୍ତି । କେମିତି ରାଜ୍ୟରୁ କରୋନା ସଂକ୍ରମଣକୁ ପ୍ରତିହତ କରାଯାଇ ପାରିବ ସେନେଇ କରୋନା ବିରୋଧି କାର୍ଯ୍ୟ ମଧ୍ୟ ପ୍ରତି ସମୟରେ କରୁଛନ୍ତି । ତେବେ ଆଜିଠୁ ଭୁବନେଶ୍ୱରରେ ଆରମ୍ଭ ହେବ ଦ୍ୱିତୀୟ ପର୍ଯ୍ୟାୟ ସେରୋ ସର୍ଭେ । ରାଜଧାନୀର ୨୫ଟି ଓ୍ୱାର୍ଡରେ ସେରୋ ସର୍ଭେଲାନ୍ସ କରାଯିବ । ନାଗରିକଙ୍କ ରୋଗ ପ୍ରତିରୋଧକ କ୍ଷମତାକୁ ଜାଣିବା ପାଇଁ ଏହି ସର୍ଭେ କରାଯିବ ।

ଏଥିପାଇଁ ୫ଟି ସ୍ୱତନ୍ତ୍ର ଟିମ୍ ପ୍ରସ୍ତୁତ କରାଯାଇଛି । ଏହି ସବୁ ଟିମ୍‌  ବିଭିନ୍ନ ସ୍ଥାନରୁ ନମୂନା ସଂଗ୍ରହ କରିବେ । ଦ୍ୱିତୀୟ ପର୍ଯ୍ୟାୟରେ ୧୫ଶହ ଜଣଙ୍କ ନମୂନା ସଂଗ୍ରହ କରିବାର ଲକ୍ଷ୍ୟ ରଖାଯାଇଛି । ବିଏମସି ଓ ଆରଏମଆରସିର ମିଳିତ ଟିମ୍ ଏହି ସର୍ଭେ କରିଥିଲେ । ତେବେ ପ୍ରଥମ ପର୍ଯ୍ୟାୟରେ ଭୁବନେଶ୍ୱରର ସ୍ଥିତି ଭଲ ରହିଥିଲା । ସହରରେ ସଂକ୍ରମଣର ସ୍ଥିତି ଓ ରୋଗ ପ୍ରତିରୋଧକ ସ୍ଥିତିର ସମୀକ୍ଷା କରିବାକୁ ସେରୋ ସର୍ଭେ କରାଯାଉଥିବା ବିଏମସି କମିଶନର ପ୍ରେମଚାନ୍ଦ ଚୌଧୁରୀ ସୂଚନା ଦେଇଛନ୍ତି  ।