ଓମିକ୍ରନ୍ ବିରୋଧରେ କେତେ ପ୍ରଭାବଶାଳୀ ଫାଇଜର? ଜାଣନ୍ତୁ…

ନୂଆଦିଲ୍ଲୀ: ଆସନ୍ତାବର୍ଷ ମାର୍ଚ୍ଚରେ ଆସିବ ଓମିକ୍ରନ ନାଶକାରୀ ଟିକା । ଓମିକ୍ରନର ମୁକାବିଲା ଲାଗି ଫାଇଜରର ତିନିଟି ଟିକା ସକ୍ଷମ ହେବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଜର୍ମାନୀ ଓ ଆମେରିକାର ମିଳିତ ଉଦ୍ୟୋଗରେ ପ୍ରସ୍ତୁତ ଫାଇଜର-ବାୟୋଏନଟେକ ପକ୍ଷରୁ କୁହାଯାଇଛି ଫାଇଜରର ଦୁଇଟି ଡୋଜ ଓମିକ୍ରନ ବିରୋଧରେ ଅମୋଘ ଅସ୍ତ୍ର ସାବ୍ୟସ୍ତ ହୋଇଛି । ତେବେ ଏହାର ତୃତୀୟ ଡୋଜ ସବୁଠାରୁ ଗୁରୁତ୍ବପୂର୍ଣ୍ଣ ହେବ ଏବଂ ପ୍ରତିରୋଧକ ଶକ୍ତି ବୃଦ୍ଧି କରିବ ବୋଲି କହିଛନ୍ତି ବାୟୋଏନଟେକ ଚିଫ ମେଡିକାଲ ଅଫିସର ଓଜେମ ଟୁଏରେସି ।

ଓମିକ୍ରନକୁ ନେଇ ସାରା ବିଶ୍ବ ଚିନ୍ତିତ ଥିବାବେଳେ ପ୍ରଥମ ଥର ଲାଗି ଏଭଳି ଆଶା ଦେଇଛି ବାୟୋଏନଟେକ। ଗବେଷଣାଗାରରେ ଏହି ଟିକାର ସଫଳ ପରୀକ୍ଷା କରାଯାଇଛି ଏବଂ ଅନୁମତି ମିଳିଲେ ଖୁବ୍ ଶୀଘ୍ର ଏହାର ସାର୍ବଜନୀନ ପ୍ରୟୋଗ କରାଯିବ । ଏହାବ୍ୟତୀତ Pfizer ଏବଂ ଏହାର ସହଯୋଗୀ BioNTech କହିଛନ୍ତି ଯେ ଲାବୋରେଟୋରୀ ପରୀକ୍ଷଣରୁ ଜଣାପଡିଛି ଯେ ଓମିକ୍ରନ୍ ବିରୋଧରେ ଏକ ବୁଷ୍ଟର୍ ଡୋଜ୍ ଆଣ୍ଟିବଡି ସ୍ତରକୁ ୨୫ ଗୁଣା ଯାଏଁ ବୃଦ୍ଧି କରିଥାଏ ।

ଆଂଶିକ ସୁରକ୍ଷା ଦେଇଥାଏ ଫାଇଜର ଟିକା 
ଏକ ରିସର୍ଚ୍ଚରୁ ଜଣାପଡିଛି ଯେ ‘ଓମିକ୍ରନ୍’ ବିରୋଧରେ ଫାଇଜରର ଆଣ୍ଟି-କୋଭିଡ୍-୧୯ ଟିକା ଆଂଶିକ ସୁରକ୍ଷା ପ୍ରଦାନ କରିଥାଏ। ଅନୁସନ୍ଧାନକାରୀମାନେ ଯାଞ୍ଚ କରିଛନ୍ତି ଯେ ଆଣ୍ଟି-କୋଭିଡ-୧୯ ଟିକା ‘ଫାଇଜର mRNA’ ଭାଇରସର ନୂଆ ରୂପ ‘ଓମିକ୍ରନ୍’ ବିରୁଦ୍ଧରେ ପ୍ରଭାବଶାଳୀ କି ନୁହେଁ ଏବଂ ମାନବ କୋଷିକାକୁ ସଂକ୍ରମିତ କରିବା ପାଇଁ ACE2 ରିସେପ୍ଟର’ ଆବଶ୍ୟକ କି ନୁହେଁ।

ତେବେ ‘ଆଞ୍ଜିଓଟିନସିନ୍ ରୂପାନ୍ତର କରୁଥିବା ଏନଜାଇମ୍-୨’ ରିସେପ୍ଟରଗୁଡ଼ିକ ହେଉଛି ଏକ ପ୍ରକାର ଏନଜାଇମ୍ ଯାହା ହୃଦୟ, ଫୁସଫୁସ, ଧମନୀ, କିଡନୀ ଏବଂ ଅନ୍ତଃନଳୀରେ କୋଷିକାରେ ବାନ୍ଧି ହୋଇଯାଏ । ଏହା ମାଧ୍ୟମରେ ଭାଇରସ୍ ମଣିଷ ଶରୀରରେ ପ୍ରବେଶ କରିଥାଏ।