୨ ହଜାର ଟଙ୍କିଆ ନୋଟ ନେଉନି ପେଟ୍ରୋଲ ପମ୍ପ, ପିଙ୍କ୍ ନୋଟ ଦେବାରୁ ପେଟ୍ରୋଲ କାଢ଼ିନେଲେ କର୍ମଚାରୀ

ନୂଆଦିଲ୍ଲୀ: କ୍ଲିନ୍ ନୋଟ୍ ପଲିସି, ଲୋକେ ହିନସ୍ତା । ପେଟ୍ରୋଲ ପମ୍ପରେ ୨ ହଜାର ଟଙ୍କିଆ ନୋଟ୍ ଦେବାରୁ ପେଟ୍ରୋଲ କାଢ଼ି ନେଲେ କର୍ମଚାରୀ । ଉତ୍ତରପ୍ରଦେଶ ଜାଲୋନରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ବଜାରରୁ ୨ ହଜାର ଟଙ୍କିଆ ନୋଟ ଅପସାରଣ କରିନେବାକୁ ଆରବିଆଇ ଘୋଷଣା କରିଥିବା ବେଳେ ଏନେଇ ସେପ୍ଟେମ୍ବର ୩୦ ତାରିଖ ଯାଏ ସମୟ ଦିଆଯାଇଛି । ଗୋଟିଏ ଦିନରେ ଜଣେ ଗ୍ରାହକ ୨୦ ହଜାର ଟଙ୍କା ପର୍ଯ୍ୟନ୍ତ ୨ ହଜାର ଟଙ୍କିଆ ନୋଟ ବଦଳାଇ ପାରିବେ । କିନ୍ତୁ ଏବେ ବି ୨ହଜାର ଟଙ୍କିଆ ନୋଟର ବ୍ୟବହାର ବଜାରରେ ହୋଇପାରିବ ବୋଲି ରିଜର୍ଭ ବ୍ୟାଙ୍କ ପକ୍ଷରୁ କୁହାଯାଇଛି ।

ହେଲେ ଦୋକାନୀ ଓ ପେଟ୍ରୋଲ ପମ୍ପରେ ୨ ହଜାର ଟଙ୍କିଆ ନୋଟ ଗ୍ରହଣ କରିବାକୁ ସେମାନେ ମନା କରିଦେଉଥିବା ଭଳି ଘଟଣା ଅନେକ ସ୍ଥାନରେ ଦେଖାଯାଉଛି । ଟ୍ୱିଟର ୟୁଜର ନିଗାର ପରଓ୍ବିନ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓ ଏବେ ଖୁବ ଭାଇରାଲ ହେଉଛି । ଅନେକ ୟୁଜର୍ସ ପେଟ୍ରୋଲ ପମ୍ପ ଅଧିକରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି ।