ପାକିସ୍ତାନରେ ପୁଣି ବଢ଼ିଲା ତୈଳ ଦର, ପେଟ୍ରୋଲ ଲିଟର ପିଛା ୨୪ ଟଙ୍କା ବୃଦ୍ଧି

ଇସଲାମାବାଦ: ପାକିସ୍ତାନରେ ପୁଣି ବଢ଼ିଲା ତୈଳ ଦର । ପେଟ୍ରୋଲର ଦାମ୍ ୨୪ ଟଙ୍କା ବୃଦ୍ଧି ହୋଇଥିବାବେଳେ ଡିଜେଲ ଦାମ୍ ମଧ୍ୟ ୧୬.୩୧ ଟଙ୍କା ବୃଦ୍ଧି ପାଇଛି । ପାକିସ୍ତାନ ସରକାର ବୁଧବାର ତୈଳଦର ବୃଦ୍ଧି ନେଇ ଘୋଷଣା କରିଥିଲେ । ବିଗତ ୨୦ ଦିନ ମଧ୍ୟରେ ତୃତୀୟ ଥର ପାଇଁ ତୈଳ ଦର ବୃଦ୍ଧି ପାଇଛି । ଏହି ନୂଆ ଦର ବୁଧବାର ମଧ୍ୟ ରାତ୍ରରୁ ଲାଗୁ ହୋଇଛି । ଗତ ୨୦ ଦିନରେ ପେଟ୍ରୋଲ ଓ ଡିଜେଲ ଦର ଲିଟର ପିଛା ୮୪ ଟଙ୍କା ବଢିଲାଣି । ଏହାକୁ ନେଇ ଅର୍ଥମନ୍ତ୍ରୀ କହିଥିଲେ ଯେ, ଅର୍ନ୍ତରାଷ୍ଟ୍ରୀୟ ବଜାରରେ ତୈଳଦର ଲିଟର ପିଛା ୧୨୦ ଡଲାର ରହିଥିଲା । ତେଣୁ ତୈଳ ଦର ବୃଦ୍ଧି ହେଉଛି ।

ତେବେ କେବଳ ପେଟ୍ରୋଲ ଓ ଡିଜେଲ ନୁହେଁ, ପାକିସ୍ତାନରେ କିରାସିନୀ ଦର ମଧ୍ୟ ବୃଦ୍ଧି ପାଇଛି । କିରାସିନୀ ଲିଟର ପିଛା ୨୯.୪୯ ଟଙ୍କା ବୃଦ୍ଧି ପାଇ ୨୧୧.୪୩ ଟଙ୍କାରେ ପହଞ୍ଚିଛି । ତେବେ ଅନ୍ତର୍ଜାତୀୟ ସ୍ତରରେ ତୈଳ ଦର ବଢିବାରୁ ଦମ୍ ବୃଦ୍ଧି ପାଉଛି ବୋଲି ପାକିସ୍ତାନ ଅର୍ଥମନ୍ତ୍ରୀ କହିଛନ୍ତି ।