ପେଟ୍ରୋଲ୍ ଲିଟର ପିଛା ୩୫ ପଇସା ବୃଦ୍ଧି, ରାଜ୍ୟର ୬ ଜିଲ୍ଲାରେ ୧୦୦ ପାର୍ ଡିଜେଲ୍

ଭୁବନେଶ୍ୱର: ମହଙ୍ଗା ମାଡ଼ରୁ ମିଳୁନି ମୁକ୍ତି । ଆଜି ପୁଣିଥରେ ପେଟ୍ରୋଲ୍ ଦର ବଢ଼ିଛି । ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପିଛା ୩୫ ପଇସା ମହଙ୍ଗା ହୋଇଛି । ଏବେ ଦିଲ୍ଲୀରେ ପେଟ୍ରୋଲ ଲିଟର ପିଛା ୯୯ ଟଙ୍କା ୮୬ ପଇସାରେ ବିକ୍ରି ହେଉଛି । ତେବେ ଡିଜେଲ ଦର ବଢ଼ି ନାହିଁ । ଦିଲ୍ଲୀରେ ୧ ଲିଟର ଡିଜେଲର ଦର ୮୯ ଟଙ୍କା ୩୬ ପଇସା ରହିଛି ।

ବିଗତ କିଛିମାସ ହେଲା ଅଶୌଧିତ ତୈଳଦର ବଢ଼ିଥିବା ବେଳେ ଚାହିଦା ବୃଦ୍ଧି ପାଇଛି । ଅନ୍ତର୍ଜାତୀୟ ବଜାରରେ ଅଶୌଧିତ ତୈଳଦର ଦାମ ବ୍ୟାରେଲ୍ ପିଛା ୭୫ ଡଲାର୍ ରହିଛି । ୨୦୧୮ ଅକ୍ଟୋବରରେ ବ୍ୟାରେଲ୍ ପିଛା ଦର ୮୦ ଡଲାରରୁ ଅଧିକ ଥିଲା । ସେତେବେଳେ ଦେଶରେ ପେଟ୍ରୋଲର ଦର ଲିଟର ପିଛା ୮୦ ଟଙ୍କା ପାଖାପାଖି ରହିଥିଲା । ଏବେ ଅଶୌଧିତ ତୈଳଦରର ମୂଲ୍ୟ କମ୍ ଥିବାବେଳେ ପେଟ୍ରୋଲର ଦର ୨୦ ଟଙ୍କାରୁ ଅଧିକ ବଢ଼ିଛି ।

ପେଟ୍ରୋଲ୍ ଦରବୃଦ୍ଧିର ପ୍ରଭାବ ଓଡ଼ିଶା ଉପରେ ମଧ୍ୟ ପଡ଼ିଛି । ରାଜ୍ୟରେ ପେଟ୍ରୋଲର ସର୍ବାଧିକ ଲିଟର ପିଛା ଦର ୧୦୫ ଟଙ୍କା ୩୭ ପଇସା ମାଲକାନଗିରିରେ ରହିଛି । ଟ୍ୱିନ୍ ସିଟି ସମେତ ଅନ୍ୟ ସମସ୍ତ ଜିଲ୍ଲାରେ ପେଟ୍ରୋଲ ଦର ୧୦୦ ଟଙ୍କା ଉପରେ ରହିଛି । ସେହିଭଳି ରାଜ୍ୟର ୬ ଜିଲ୍ଲାରେ ଡିଜେଲ୍ ଦର ମଧ୍ୟ ଶହେ ଟଙ୍କା ଉପରେ ରହିଛି । ତୈଳଦର ବୃଦ୍ଧି ଖାଉଟିଙ୍କ ପକେଟକୁ ବେଶ୍ ବାଧୁଛି ।

ନଜର ପକାନ୍ତୁ ରାଜ୍ୟର କେଉଁ ଜିଲ୍ଲାରେ କେତେ ରହିଛି ତୈଳଦର