କ୍ରମାଗତ ବଢିବାରେ ଲାଗିଛି ତୈଳ ଦର; ଜାଣନ୍ତୁ ଆଜିର ପେଟ୍ରାେଲ୍ ଓ ଡିଜେଲ ମୂଲ୍ୟ

ନୂଆଦିଲ୍ଲୀ: ଦେଶରେ ତୖେଳ ଦର କ୍ରମାଗତ ଭାବରେ ବଢିବାରେ ଲାଗିଛି । ନଭେମ୍ବର ୨୦ତାରିଖରୁ ତୈଳ କମ୍ପାନୀ ମାନେ ପେଟ୍ରାେଲ ଓ ଡିଜେଲ ଦରକୁ ବୃଦ୍ଧି କରିବାରେ ଲାଗିଛନ୍ତି ।

ଗତ ସୋମବାର ଦିନ ପେଟ୍ରୋଲ୍ ମୂଲ୍ୟ ପ୍ରତି ଲି. ୩୦ରୁ ୩୩ପ. ବୃଦ୍ଧି ଘଟିଥିବା ବେଳେ ଡିଜେଲ୍ ୨୫ରୁ ୩୧ପ. ବଢିଛି । ଯାହା ଫଳରେ ଦିଲ୍ଲୀରେ ପେଟ୍ରାେଲ ଦର ୮୩.୭୧ ଟଙ୍କା ରହିଥିବା ବେଳେ ରବିବାର ଦିନ ଏହା ୮୩.୪୧ଟଙ୍କା ରହିଥିଲା ।

ମୁମ୍ବାଇରେ ପେଟ୍ରାେଲ ମୂଲ୍ୟ ୩୩ପ. ବୃଦ୍ଧି ଘଟିଛି । ଯାହା ଫଳରେ ଦର ୯୦.୦୧ ଟଙ୍କାରୁ ୯୦.୩୪ ଟଙ୍କା ରହିଛି । ଆହୁରି ମଧ୍ୟ କୋଲକାତାରେ ପେଟ୍ରାେଲ ମୂଲ୍ୟ ଲିଟର ପିଛା ୮୫.୧୯ ଟଙ୍କା ରହିଛି ।

ସେହିପରି ଗତ ସୋମବାର ଦିନ ଡିଜେଲ ମୂଲ୍ୟ ମଧ୍ୟ ବୃଦ୍ଧି ପାଇଛି । ଯାହା ଫଳରେ ଦିଲ୍ଲୀରେ ଡିଜେଲ୍ ଦର ୭୩.୮୭ ଟଙ୍କା ରହିଥିବା ବେଳେ ରବିବାର ଦିନ ଏହା ୭୩.୬୨ ଟଙ୍କା ରହିଥିଲା ।

ମୁମ୍ବାଇରେ ଡିଜେଲ ମୂଲ୍ୟ ୮୦.୫୧ ଟଙ୍କାରେ ପହଞ୍ଚିଛି । ଆହୁରି ମଧ୍ୟ କୋଲକାତାରେ ଡିଜେଲ ମୂଲ୍ୟ ଲିଟର ପିଛା ୭୭.୪୪ ଟଙ୍କା ରହିଛି ।