ପେଟ୍ରୋଲକୁ ନେଇ ହାହାକର, ଦେଶରେ ପ୍ରଥମ ଥର ପାଇଁ ଲିଟର ପିଛା ୧୨୦ ଟଙ୍କା

ନୂଆଦିଲ୍ଲୀ: ପେଟ୍ରୋଲ ଏବଂ ଡିଜେଲର ଦୈନିକ ଦରବୃଦ୍ଧି ଲୋକଙ୍କ ମୁଣ୍ଡରେ ଚଡ଼କ ପକାଇଛି । ଦେଶର କେତେକ ସହରରେ ଏବେ ପେଟ୍ରୋଲ ଦର ୧୨୦ ଟଙ୍କାରେ ପହଞ୍ଚି ସାରିଛି । ଅକ୍ଟୋବରରେ ଏପର୍ଯ୍ୟନ୍ତ ୧୭ ଥରରୁ ଅଧିକ ପେଟ୍ରୋଲ ଦର ବଢ଼ିଛି । ଦୈନିକ ବଢ଼ୁଥିବା ପେଟ୍ରୋଲ ଏବଂ ଡିଜେଲର ଦର ରେକର୍ଡ଼ ଭାଙ୍ଗିଛି ।

କେଉଁଠି କେତେ ?

ରାଜସ୍ଥାନର ଶ୍ରୀନଗରରେ  ପ୍ରଥମ ଥର ପେଟ୍ରୋଲ ୧୧୯.୦୫ ପଇସା ଏବଂ ଡିଜେଲର ଦର ୧୦୯.୮୮ ପଇସା ରହିଛି ।

ମଧ୍ୟପ୍ରଦେଶର ଅନୁପପୁରରେ ପେଟ୍ରୋଲ ୧୧୮.୩୫ ପଇସା ଏବଂ ଡିଜେଲର ଦର ୧୦୭.୫୦ ପଇସା ରହିଛି ।

ଅଲିରାଜପୁରରେ ପଟ୍ରୋଲ ଦର ୧୨୦ ଟଙ୍କା ଏବଂ ଡିଜେଲ ଦର ୧୦୫.୫୧ ପଇସା ରହିଛି । ଏହିଭଳି ମଧ୍ୟପ୍ରଦେଶର ଏକାଧିକ ସ୍ଥାନରେ ପେଟ୍ରୋଲ ଦର ପ୍ରାୟ ୧୨୦ ଟଙ୍କା ରହିଛି ।

ଦିଲ୍ଲୀରେ ପେଟ୍ରୋଲ ଦର ୧୦୬ ଟଙ୍କା ୮୯ ପଇସା ଏବଂ ଡିଜେଲ ଦର ୯୫.୬୨ ପଇସା ।

ମୁମ୍ବାଇରେ ପେଟ୍ରୋଲ ଦର ୧୧୨ ଟଙ୍କା ୭୮ ପଇସା ଡିଜେଲ ଦର ୧୦୩ ଟଙ୍କା ୯୨ ପଇସା ।

ଚେନ୍ନାଇରେ ପେଟ୍ରୋଲ ଦର ୧୦୩ ଟଙ୍କା ୯୨ ପଇସା ଏବଂ ଡିଜେଲ ଦର ୯୯ ଟଙ୍କା ୯୨ ପଇସା ।

କୋଲକାତାରେ ପେଟ୍ରୋଲ ଦର ୧୦୭ ଟଙ୍କା ୪୪ ପଇସା ଏବଂ ଡିଜେଲ ଦର ୯୮ ଟଙ୍କା ୭୩ ପଇସା ।

ଦେଶର ତିନୋଟି ଅଏଲ ମାର୍କେଟିଙ୍ଗ୍‌ କମ୍ପାନୀ HPCL, BPCL ଏବଂ IOC ଆପ୍‌ ଦୈନିକ ସକାଳେ  ପେଟ୍ରୋଲ ଡିଜେଲର ନୂଆ ଦର ଜାରି କରେ ।