ଲଗାତାର ପଞ୍ଚମ ଦିନ ବଢ଼ିଲା ତୈଳଦର, ମାଲକାନଗିରିରେ ୧୧୦ ଡେଇଁଲା ଡିଜେଲ୍

ଭୁବନେଶ୍ୱର: ଦେଶରେ ପୁଣି ବଢ଼ିଛି ପେଟ୍ରୋଲ ଓ ଡିଜେଲ ଦାମ । ଲଗାତାର ପଞ୍ଚମ ଦିନରେ ତୈଳଦର ବୃଦ୍ଧି ପାଇଛି । ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ଉଭୟ ପେଟ୍ରୋଲ ଓ ଡିଜେଲ୍ ଦାମ ଲିଟର ପିଛା ୩୫ ପଇସା ଲେଖାଏଁ ବଢ଼ିଛି । ଦିଲ୍ଲୀରେ ପେଟ୍ରୋଲ ଲିଟର ପିଛା ୧୦୭ ଟଙ୍କା ୫୯ ପଇସା ଓ ଡିଜେଲ୍ ଦାମ ୯୬ ଟଙ୍କା ୩୨ ପଇସା ରହିଛି ।

Price of petrol & diesel in #Delhi is at Rs 107.59 per litre & Rs 96.32 per litre respectively today.

Petrol & diesel prices per litre-Rs 113.46 & Rs 104.38 in #Mumbai, Rs 108.11 & Rs 99.43 in #Kolkata; Rs 104.52 & Rs 100.59 in Chennai respectively

(File pic) pic.twitter.com/x0SUXM82IM

— ANI (@ANI) October 24, 2021

ତୈଳଦର ବଢ଼ୁଥିବାରୁ ପରିବହନ ଭଡ଼ା ବଢ଼ି ସବୁର ଦରଦାମ ମଧ୍ୟ ବୃଦ୍ଧି ପାଉଛି । ରାଜ୍ୟର ସମସ୍ତ ଜିଲ୍ଲାରେ ଡିଜେଲ୍ ଦର ୧୦୫ ଟଙ୍କା ଉପରେ ରହିଛି । ମାଲକାନଗିରିରେ ଡିଜେଲର ସର୍ବାଧିକ ଦର ଲିଟର ପିଛା ୧୧୦ ଟଙ୍କା ୪୭ ପଇସା ଥିବାବେଳେ କୋରାପୁଟରେ ୧୦୯ ଟଙ୍କା ୯୦ ପଇସା, ନବରଙ୍ଗପୁରରେ ୧୦୯ ଟଙ୍କା ୨୪ ପଇସା, ରାୟଗଡ଼ାରେ ୧୦୯ ଟଙ୍କା ୬ ପଇସା ରହିଛି । ଭୁବନେଶ୍ୱରରେ ଡିଜେଲ୍ ୧୦୫ ଟଙ୍କା ୭ ପଇସାରେ ବିକ୍ରି ହେଉଛି ।

ଡିଜେଲ୍ ଭଳି ପେଟ୍ରୋଲ୍ ଦର ମଧ୍ୟ ସର୍ବକାଳୀନ ରେକର୍ଡ ଭାଙ୍ଗିଛି । ରାଜ୍ୟର ୧୩ ଜିଲ୍ଲାରେ ପେଟ୍ରୋଲ ଦର ୧୧୦ ଟଙ୍କା ଉପରେ ରହିଛି । ମାଲକାନଗିରିରେ ପେଟ୍ରୋଲର ସର୍ବାଧିକ ଦର ୧୧୪ ଟଙ୍କା ୧୩ ପଇସା ଥିବାବେଳେ କୋରାପୁଟରେ ୧୧୩ ଟଙ୍କା ୫୪ ପଇସା, ନବରଙ୍ଗପୁରରେ ୧୧୨ ଟଙ୍କା ୮୫ ପଇସା, ରାୟଗଡ଼ାରେ ୧୧୨ ଟଙ୍କା ୬୯ ପଇସା ରହିଛି । ଭୁବନେଶ୍ୱରରେ ପେଟ୍ରୋଲ ଲିଟର ପିଛା ୧୦୮ ଟଙ୍କା ୫୫ ପଇସାରେ ବିକ୍ରି ହେଉଛି ।