ଗୁରୁତର ଅସୁସ୍ଥ ପରଭେଜ ମୁସାରଫ, ମୃତ୍ୟୁ ଖବରକୁ ପରିବାରର ଖଣ୍ଡନ
ଇସଲମାବାଦ: ଅସୁସ୍ଥ ଅଛନ୍ତି ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫ । ଗୁରୁତର ହୋଇପଡିବାରୁ ଗତ ୩ ସପ୍ତାହ ହେଲା ସେ ମେଡିକାଲରେ ଅଛନ୍ତି । ସେ ଏକ ଜଟିଳ ରୋଗରେ ପୀଡିତ ଅଛନ୍ତି । ଯାହା ସମ୍ପୂର୍ଣ୍ଣ ଭଲ ହେବା ସମ୍ଭବ ନୁହେଁ ବୋଲି ତାଙ୍କ ପରିବାର ପକ୍ଷରୁ ଟୁଇଟ କରି କୁହାଯାଇଛି । ମୁଶାରଫଙ୍କର ମୃତ୍ୟୁ ହୋଇଥିବା ଖବରକୁ ସେ ଖଣ୍ଡନ କରିଛନ୍ତି ।
ବିଦେଶରେ ସେ ସ୍ୱତନ୍ତ୍ର ଡାକ୍ତରଙ୍କ ଟିମ୍ ଦ୍ୱାରା ଚିକିତ୍ସିତ ହେଉଛନ୍ତି । ଆଜି କିଛି ଜାତୀୟ ଗଣମାଧ୍ୟମରେ ମୁଶାରଫଙ୍କର ଦେହାନ୍ତ ହୋଇଛି ବୋଲି ଖବର ପ୍ରସାରଣ ହେଉଥିଲା । ଯାହା ସମ୍ପୂର୍ଣ୍ଣ ମିଥ୍ୟା ବୋଲି ସ୍ପଷ୍ଟ ହୋଇଛି । ଦୀର୍ଘଦିନ ହେବ ଅସୁସ୍ଥ ରହିଛନ୍ତି ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ପରଭେଜ ମୁସାରଫ । ଆଜି ଅନେକ ମିଡିଆରେ ପରଭେଜ ମୁସାରଫଙ୍କ ମୃତ୍ୟୁ ହୋଇଥିବା ନେଇ ମଧ୍ୟ ଗୁଜବ ପ୍ରଚାରିତ ହୋଇଥିଲା । ଯଦ୍ୱାରା ତାଙ୍କ ପରିବାର ଲୋକ ଏକ ସ୍ପଷ୍ଟୀକରଣ ରଖିଥିଲେ ।
