ହାର୍ଟ ବନ୍ଦ ପ୍ରସୂତିଙ୍କ ହେଲା ସଫଳ ଅସ୍ତ୍ରୋପଚାର, ଭେଣ୍ଟିଲେଟରରେ ମା ଓ ଶିଶୁ

କଟକ: ଏସସିବିରେ ହେଲା ଜଟିଳ ପେରିପାର୍ଟମ ସର୍ଜରୀ । ସଙ୍କଟାପନ୍ନ ଅବସ୍ଥାରେ ଥିବା ଜଣେ ଗର୍ଭବତୀଙ୍କ ପ୍ରସବ ହୋଇଛି । ହାର୍ଟ ବନ୍ଦ ହୋଇଯାଇଥିବା ପ୍ରସୂତିଙ୍କ ହେଲା ସର୍ଜରୀ । ହାର୍ଟକୁ ପମ୍ପିଙ୍ଗ କରି ମହିଳାଙ୍କ ସର୍ଜରୀ କରାଯାଇ ଶିଶୁ ଜନ୍ମ ନେଇଛି ।

ସ୍ତ୍ରୀ ଓ ପ୍ରସୂତି ବିଭାଗ, ନିଶ୍ଚେତକ ବିଭାଗ ସହ ଶିଶୁ ବିଭାଗ ଡାକ୍ତରଙ୍କ ପ୍ରଚେଷ୍ଟାରେ ଏହି ସର୍ଜରୀ କରାଯାଇଛି । ବର୍ତମାନ ଉଭୟ ମା ଓ ଶିଶୁ ଭେଣ୍ଟିଲେଟରରେ ଅଛନ୍ତି । ମା ଓ ଶିଶୁକୁ ସୁରକ୍ଷିତ ରଖିବା ପାଇଁ ଏସସିବିର ଡାକ୍ତର ଓ ପାରାମେଡିକଲ ଷ୍ଟାଫ ନଜର ରଖିଛନ୍ତି । ଏନେଇ ସୂଚନା ଦେଇଛନ୍ତି ଏସସିବି ଅଧିକ୍ଷକ ସୁଧାଂଶୁ ଶେଖର ମିଶ୍ର ।